Türkiyənin Bolu şəhərində təlim-məşq toplanışında olan “Qəbələ” sabah 3-cü yoxlama oyununu keçirəcək. Bu, “qırmızı-qaralar”ın qardaş ölkədəki hazırlıq prosesində son sınağı olacaq. Toplanışın 9-cü günündə meydana çıxacaq Elmar Baxşıyevin yetirmələri Şimali Makedoniyanın “Qostivar” klubu ilə qarşılaşacaq.
Matç komandamızın məskunlaşdığı “Termal otel”in məşq bazasında baş tutacaq. Görüş Bakı vaxtı ilə saat 19:00-da start götürəcək.
Şimali Makedoniyanın “Qostivar” klubu ilə qarşılaşacaq. Bu matç iyulun 19-da baş tutacaq. Qarşılaşma Bakı vaxtı ilə saat 19:00-da başlayacaq.
Şimali Makedoniyanın eyniadlı şəhərini təmsil edən “Qostivar”ın əsası 1998-ci ildə qoyulub. 2022-2023-cü illər mövsümündə ikinci dəstədə mübarizə aparan komanda 2-ci yeri tutub. Bu, Qostivar təmsilçisinə birinci liqaya vəsiqə verib.
Xatırladaq ki, Boluda iki yoxlama oyunu keçirən “Qəbələ” Moldova “Sukleya”sı (4:2) və Rusiya “Orenburq”u (1:1) ilə qarşılaşıb.
Yoxlama oyunu
19 iyul
19:00. “Qəbələ” - "Qostivar" (Şimali Makedoniya)
Bolu. “Termal otel”in məşq bazası
