“Qəbələ” – “Simurq” – 0:3
4 mart 2015. Saat 19:00. Qəbələ şəhər stadionu, 400 tamaşaçı
Baş hakim: Əliyar Ağayev
Baş hakimin köməkçiləri: Mehman Mahmudov, Munis Abdullayev
Əlavə köməkçi hakimlər: Elvin Əsgərov, Ömər Paşayev
Dördüncü hakim: Zeynal Zeynalov
AFFA nümayəndəsi: Nüvər Xasıyev
Hakim-inspektor: Gülağa Cabbarov
Sarı vərəqələr: Ürfan Abbasov, 41 (qeyri-idman hərəkəti); Dodo, 61 (qeyri-idman hərəkəti) // Samir Zərgərov, 20 (sistematik qayda pozuntusu); Xuan Alberto, 30 (qeyri-idman hərəkəti); Tural Axundov, 81 (qeyri-idman hərəkəti)
Qollar: Draqan Çeran, 17, 55; Benjamin Lambot, 57
Artırılan vaxt: I hissədə - yoxdur.; II hissədə 3 dəq.
Bu gün Azərbaycan kubokunda 1/4 final mərhələsinin ilk oyunları keçirilib. “Qəbələ” öz meydanında “Simurq”la qarşılaşıb. “Qırmızı-qaralar” meydana son oyunla –Topaz Premyer Liqasının XXIV turunun “Qarabağ”la səfər matçında mübarizə aparan start “11-liy”i ilə çıxıb.
Roman Qriqorçukun yetirmələri matça fəal başlayıb. Artıq 5-ci dəqiqədə Bəxtiyar Soltanov əlverişli imkan əldə etsə də, rəqib qapıçı sayıqlığı əldən verməyib. Müdafiədə diqqətli oynayan Zaqatala təmsilçisi 17-ci dəqiqədə hesabı açıb. Draqan Çeran fərqlənib. Buraxılan qoldan sonra fəallaşan “Qəbələ” ardıcıl hücumlar təşkil etsə də, Pavel Kapsa əvvəl Ekiqo Ehiosunun, ardınca isə Aleksey Qayın zərbəsini dəf edib.
İlk yarıda da fəallığı ilə seçilən Viktor Mendi ikinci hissənin əvvəlinə dəqiq ötürmə ilə Ekiqonu qapıçı ilə təkbətək çıxarıb. Lakin onun zərbəsi “çərçivə”yə düşməyib. “Simurq”un cavabı isə qolla nəticələnib. Dublunu rəsmiləşdirən Çeranın zərbəsindən sonra hesab dəyişib – 0:2. Bencamin Lambotun fərqlənməsindən sonra isə fərq 3-ə çatıb. Bu qoldan sonra bir müddət üstünlük zaqatalalılarda olsa da, “qırmızı-qaralar” topa nəzarəti ələ ala bilib. Lakin hesabı dəyişmək cəhdləri uğursuz alınan komandamız qarşılaşmanın sonlarınadək fərqlənə bilməyib. Beləliklə, görüş qonaqların 3:0 hesablı qələbəsi ilə başa çatıb.
Beləliklə, komandamızın Azərbaycan kubokundakı məğlubiyyətsiz oyunlar seriyası qırılıb. Sonuncu dəfə 1457 gün öncə - 2011-ci il martın 8-də “Bakı” ilə səfər oyununda uduzan “Qəbələ” ardıcıl 13 oyunda məğlub olmamışdı. Ardıcıl 3 mövsümü uduzmadan başa vuran “qırmızı-qaralar” iki dəfə rəqibinin səfər qoluna, 1 dəfə penaltilər seriyasına üzülmüşdü.
Qeyd edək ki, 1/4 final mərhələsinin cavab oyunları martın 13-də keçiriləcək.
“Qəbələ”
22. Dmitri Bezotosnı
4. Elvin Camalov
9. Viktor Mendi
10. Dodo
(18. Ruslan Fomin, 73)
15. Ruslan Abışov (k)
(5. Sadiq Quliyev, 78)
16. Ruslan Tağızadə
19. Aleksey Qay
27. Bəxtiyar Soltanov
(14. Cavid Hüseynov, 53)
34. Ürfan Abbasov
44. Rafael Santos
90. Ekiqo Ehiosun
Ehtiyat oyunçular:
30. Anar Nəzirov
20. Rikardinyo
32. Mixail Sivakov
99. Tellur Mütəllimov
Baş məşqçi: Roman Qriqorçuk
“Simurq”
1. Pavel Kapsa
2. İlkin Qırtımov (k)
4. Xuan Alberto
6. Samir Zərgərov
(22. Cihan Özkara, 82)
10. Rəşad Eyyubov
11. Draqan Çeran
(15. Stepan Polyak, 88)
14. Vüqar Mustafayev
18. Tural Axundov
20. İdan Vaytsman
26. Benjamin Lambot
88. Marko Stanoyeviç
(8. Patrik Osiako, 68)
Ehtiyat oyunçular:
35. Amil Ağacanov
3. Adam Banaş
7. Elnur Abdullayev
9. Mirzağa Hüseynpur
Baş məşqçi: George Çixradze
