Sabah I Liqada birinci dövrəyə yekun vurulacaq. IX turun son günündə üç oyun keçiriləcək.
Dövrənin son matçı Qəbələ şəhər stadionunda baş tutacaq. Yarışın lideri “Qəbələ” ev görüşünə çıxacaq. “Qırmızı-qaralar” “Cəbrayıl”la üz-üzə gələcək.
Kaxaber Tsxadadzenin baş məşqçisi olduğu komanda 8 turdan sonra 1-ci pillədə qərarlaşıb. Keçirdiyi 8 matçda qol buraxmayan və məğlub olmayan “Qəbələ” son iki turda qələbə qazanıb. 20 xala malik komandamız VII turda MOİK-i üç, VIII turda “Karvan”ı bir qolla məğlub edib.
Qeyd edək ki, Qəbələ şəhər stadionunda keçiriləcək “Qəbələ” – “Cəbrayıl” matçı saat 15:00-da başlayacaq.
I Liqa, IX tur
13 dekabr (cümə)
15:00. “Qəbələ” – “Cəbrayıl”
Hakimlər: Rəvan Həmzəzadə, Mirnihat Seyidov, Rasim Axundov, Rövşən Rəcəbov
Hakim-inspektor: Orxan Məmmədov
AFFA nümayəndəsi: Azər Əsgərov
Qəbələ şəhər stadionu
