Misli Premyer Liqasının XVI turunun “Qəbələ” – “Kəpəz” oyunundan (0:3) sonra “qırmızı-qaralar”ln baş məşqçisi Elmar Baxşıyevin mətbuat konfransı keçirilib. Sizi 43 yaşlı mütəxəssisin fikirləri ilə tanış edirik:
“Oyundan əvvəl planımız qələbə qazanmaq idi. Başa düşürük ki, sonuncu pillədən qurtulmaq üçün qələbə önəmlidir. Həftəlik hazırlıq tsiklində də futbolçuların istəkli olmasını görürdük. Oyun istədiyimiz kimi alınmadı. İlk dəqiqələrdən düşündüyümüz tempi görmədik. Düşünürəm ki, problem özümüzdədir. Rəqibə qalib gəlmək üçün hər şansı verdik və onlar bundan istifadə etdilər. Onların qələbəsinə kölgə salmaq istəmirəm. Bizim səhvlərdən sonra aktivləşirdilər. Çox sayda səhv etdik. Bəzi şeyləri düzəltməliyik ki, daha yaxşı olaq. Problem məndədir ki, komanda uduzur. Cavabdeh mənəm. “Qəbələ” üçün ən yaxşısını etməyə hazıram”.
