“Qarabağ” - “Qəbələ” – 0:3
(Mirəli Məmmədzadə, 34; Roman Hüseynov, 79; Muxtar Əliyev, 89)
Bu gün əvəzedicilərin çempionatında XXIV turun oyunları keçirilib. Turnir cədvəlinin 3-cü pilləsində qərarlaşan “Qəbələ” səfərdə “Qarabağ”la qarşılaşıb. Son 3 matçda qalib gələ bilməyən Luis Araqonun yetirmələri bu matçla uğursuz seriyanı dayandırıb. İlk yarıdan üstünlüyü ələ alan komandamız fasiləyə 11 dəqiqə qalmış Mirəli Məmmədzadənin qolu ilə hesabda önə keçib – 1:0. İkinci hissədə daha iki qol vuran “Qəbələ” 2015-ci ildə ikinci böyükhesablı qələbəsini qazanıb. Komandamızın heyətində əvvəl Roman Hüseynov, hakimin final fitinə 1 dəqiqə qalmış isə Muxtar Əliyev fərqlənib – 3:0.
Beləliklə, 3-cü pillədə qərarlaşan “Qəbələ” 22 oyundan sonra xal hesabını 38-ə çatdırıb.
| 1 | Simurq | 21 | 13 | 2 | 6 | 48-22 | 41 |
| 2 | İnter | 20 | 12 | 4 | 4 | 52-24 | 40 |
| 3 | Qəbələ | 22 | 11 | 5 | 6 | 35-29 | 38 |
| 4 | Xəzər Lənkəran | 21 | 10 | 3 | 8 | 28-34 | 33 |
| 5 | Neftçi | 22 | 8 | 6 | 8 | 30-33 | 30 |
| 6 | Qarabağ | 21 | 8 | 2 | 11 | 29-35 | 26 |
| 7 | AZAL | 21 | 6 | 7 | 8 | 24-31 | 25 |
| 8 | Bakı | 21 | 6 | 2 | 13 | 31-41 | 20 |
| 9 | Sumqayıt | 21 | 3 | 5 | 13 | 26-54 | 14 |
