“Qəbələ” – AZAL – 3:1
(Ravil Yusifli, 18; Elvin Həsənov, 70; Rövlan Muradov, 90+4 // Fuad Bayramov, 75)
Bu gün Topaz Premyer Liqasında çıxış edən klubların əvəzedici heyətlərinin çempionatında XVII tura start verilib. Yarışın lideri olan “Qəbələ” AZAL-la qarşılaşıb. Bunadək ardıcıl 7 qələbə qazanan Hüseynqulu Quliyevin yetirmələri ev oyununa da 3 xal iddiası ilə çıxıb. “Qırmızı-qaralar” hesabı matçın 18-ci dəqiqəsində açıb. Qonaqları Ravil Yusifli məyus edib. Fasilədən sonra Elvin Həsənov fərqi iki topa çatdırıb. O, qarşılaşmanın 70-ci dəqiqəsində fərqlənib. 5 dəqiqə sonra paytaxt təmsilçisi fərqi minimuma endirməyi bacarıb. Rövlan Muradovun uzatma dəqiqələrində vurduğu top matçda sonuncu olub – 3:1.
Beləliklə, 3 xalı 3 qolla qazanan əvəzedicilər ardıcıl 8-ci qələbəsini qazanıb. Mövsümün ikinci yarısında keçirilən hər üç matçda isə eyni hesab qeydə alınıb.
| 1 | Qəbələ | 17 | 12 | 2 | 3 | 40-17 | 38 |
| 2 | Qarabağ | 17 | 10 | 4 | 3 | 32-18 | 34 |
| 3 | Neftçi | 16 | 9 | 1 | 6 | 24-20 | 28 |
| 4 | Zirə | 17 | 6 | 5 | 6 | 21-19 | 23 |
| 5 | İnter | 16 | 6 | 5 | 5 | 12-10 | 23 |
| 6 | Kəpəz | 16 | 4 | 5 | 7 | 15-21 | 17 |
| 7 | Sumqayıt | 16 | 4 | 1 | 11 | 22-37 | 13 |
| 8 | AZAL | 17 | 3 | 1 | 13 | 23-47 | 10 |
