“Qəbələ” - “İnter” - 2:1
(Ehtiram Şahverdiyev, 29; Ramil Həsənov, 61 // Ramil Mansurov, 29)
Bu gün əvəzedicilərin yarışında XII tura yekun vurulub. “Qəbələ” öz meydanında “İnter”lə qarşılaşıb. Liderlər qrupunda qərarlaşan “qırmızı-qaralar” meydana ilk dövrədəki məğlubiyyətin əvəzini çıxmaq üçün çıxıb. Bunadək ardıcıl 6 qələbə qazanan komandamız ilk dəqiqələrdən üstünlüyü ələ almağa çalışsa da, ilk hissədə rəqiblər hərəyə bir qol vurub. Maraqlıdır ki, hər iki komandanın qolu eyni dəqiqədə vurulub. “Qəbələ”nin heyətində Ehtiram Şahverdiyev fərqlənib. Çempionatın bombardiri ardıcıl 3-cü oyunda rəqib qapısına yol tapmaqla, hesabındakı qol sayını 10-a çatdırıb. Turnir cədvəlinin 1-ci pilləsinə yüksəlmək üçün qalib gəlməli olan Ramin Quliyevin yetirmələri istəyinə fasilədən sonra çatıb. Mövsümdə 5-ci qolunu vuran Ramil Həsənov “Qəbələ”yə 3 xal qazandıran topa imza atıb.
Beləliklə, ardıcıl 7-ci qələbəsini qazanan əvəzedicilərimiz turnir cədvəlinin zirvəsinə yüksəlib.
| 1 | Qəbələ | 12 | 8 | 0 | 4 | 29-14 | 24 |
| 2 | Neftçi | 12 | 7 | 2 | 3 | 33-16 | 23 |
| 3 | Sumqayıt | 12 | 6 | 4 | 2 | 29-14 | 22 |
| 4 | Kəpəz | 12 | 6 | 2 | 4 | 16-14 | 20 |
| 5 | Rəvan | 12 | 6 | 1 | 5 | 21-17 | 19 |
| 6 | Qarabağ | 12 | 5 | 3 | 4 | 16-13 | 18 |
| 7 | Zirə | 12 | 4 | 2 | 6 | 13-26 | 14 |
| 8 | İnter | 12 | 4 | 1 | 7 | 20-29 | 13 |
| 9 | Xəzər Lənkəran | 12 | 4 | 0 | 8 | 17-32 | 12 |
| 10 | AZAL | 12 | 2 | 1 | 9 | 12-31 | 7 |
