Əvəzedicilər «Ayntraxt»la qarşılaşacaq
Xəbərlər / 18 Yanvar 2016 | 20:19195
“Qəbələ”nin əvəzedici komandası 2015-2016-cı il mövsümünün ikinci yarısının hazırlıqlarını davam etdirir. Yanvarın 16-dan Türkiyədə olan “qırmızı-qaralar” təlim-məşq toplanışını Antalyada gerçəkləşdirir. Komandamız “Papillon Belvil Hotel”də məskunlaşıb. Hazırlıq çərçivəsində bir neçə yoxlama oyunu keçirməyi planlaşdıran Ramin Quliyevin yetirmələri ilk sınağına yanvarın 19-da çıxacaq. Əvəzedicilərimiz Almaniya təmsilçisi “Ayntraxt”ın (Frankfurt) gənclərdən ibarət komandası ilə qarşılaşacaq. Görüş Bakı vaxtı ilə saat 17:00-da başlayacaq. Oyun “La Atlantis Hotel Gündoğdu”nun meydanında keçiriləcək.
OXŞAR XƏBƏRLƏR
