Əvəzedicilər ikinci pilləyə 4 qolla yüksəldilər - Fotoreportaj
Xəbərlər / 26 Aprel 2014 | 15:15330
"Qəbələ" 4-1 "Simurq"
(Elnur Mustafazadə, 36; Nuran Qurbanov, 47; 61; 76 // Asim Babazadə, 86 )
Əvəzedicilər çempionatının XXXII turunda "Qəbələ" doğma meydançada "Simurq"u qəbul etdi. 31 turdan sonra eyni nəticəyə - 51 xala malik komandaların mübarizəsi maraq doğururdu. Matçda qalib gələn tərəf turnir cədvəlinin ikinci pilləsində möhkəmlənəcəkdi.
Matç meydan sahiblərinin hücumları ilə start götürdü. "Qırmızı-qaralar"ın təzyiqi 36-cı dəqiqədə öz bəhrəsini verdi. Elnur Mustafazadə başla dəqiq oynadı - 1:0.
İkinci hissəni isə Niran Qurbanovun adına yazmaq olar. 47, 61 və 76-cı dəqiqələrdə fərqlənən və het-trikini rəsmiləşdirən Nuran hesabı 4:0-a çatdırdı. Qonaqların gücü isə yalnız təsəlli qoluna çatdı. Asim Babazadə komandasının yeganə qoluna imza atdı. Beləliklə, "Qəbələ" medallar uğrunda prinsipial rəqibi "Simurq"u yenməklə ikinci pilləyə yüksəldi.
Hesabat turu Əvəzedicilər çempionatının 2013-2014 mövsümünün qalibinin müəyyənləşməsi ilə əlamətdar oldu. "İnter"in əvəzedicilər komandası sona 4 tur qalmış çempionluğunu rəsmiləşdirdi.
OXŞAR XƏBƏRLƏR
