Əvəzedicilər ikinci qələbəylə ikinci pillədə
Xəbərlər / 22 Avqust 2014 | 19:41283
“Bakı” - “Qəbələ” 0:2
(Fərid Səmədzadə, 3, 6)
Əvəzedicilərin Azərbaycan çempionatında III tura start verilib. Turun açılış matçında “Qəbələ” “Bakı” ilə görüşüb. Paytaxtın eyniadlı təmsilçisinin qonağı olan “qırmızı-qaralar” ardıcıl 2-ci qələbəni qazanıblar. Luis Araqonun yetirmələri 3 xalı 2 qolla qazanıb. “Qəbələ”nin qalib gəlməsi erkən qollar sayəsində gerçəkləşib. Matçın qəhrəmanı isə dubla imza atan Fərid Səmədzadə olub. 21 yaşlı yarımmüdafiəçi artıq oyunun 3-cü dəqiqəsində hesabı açıb. Qarşılaşmanın 6-cı dəqiqəsində isə Fərid 2-ci dəfə fərqlənib. Bu qələbə “Qəbələ”nin əvəzedicilərin çempionatında 2-ci pilləyə yüksəlməsi üçün yetərli olub. “Qırmızı-qaralar” eyni zala malik olduğu liderdən yalnız top fərqində geri qalır.
OXŞAR XƏBƏRLƏR
