Əvəzedicilər ilə 3 xalla yekun vurdular
Xəbərlər / 19 Dekabr 2013 | 13:37293
“Qəbələ” 2:1 “Bakı”
(Tellur Mütəllimov, 45; Ehtiram Şahverdiyev, 90+1 // Mahir Mədətov, 77)
Əvəzedicilər Çempionatında XVIII tura yekun vurulub. Hesabat turunda - 2013-cü ilin son matçında "Qəbələ" doğma divarlar arasında "Bakı"nı qəbul edib. Gərgin mübarizə şəraitində keçən qarşılaşma "qırmızı-qaralar"ın 2:1 hesablı qalibiyyəti ilə yekunlaşıb. Görüşdə hesabı 45-ci dəqiqədə meydan sahibləri açıblar. Tellur Mütəllimov dəqiq zərbə ilə komandasının fasiləyə qalib yollanmasını təmin edib. İkinci hissədə qonaqlar status-kvonu bərpa etməyi bacarıblar. Mahir Mədətov 77-ci dəqiqədə bərabərlik qoluna imza atıb. Təzyiqi sona kimi davam etdirən Luis Araqonun yetirmələri "Bakı"nın Qəbələdən xalla ayrılmasına imkan verməyiblər. Ehtiram Şahverdiyev oyuna əsas vaxtına əlavə olunmuş 1-ci dəqiqədə komandasını yenidən hesabda irəli çıxarıb. Bu matçda vurulan son qol olub və "Qəbələ" 2013-cü ilə 3 xalla yekun vurub.
