“İnter” 0-2 “Qəbələ”
(Ehtiram Şahverdiyev, 38 (p.); Bəhlul Mustafazadə, 43)
Bu gün əvəzedicilərin yarışında XX tura yekun vurulub. “Qəbələ” səfərdə “İnter”in qonağı olub. Bu tura qədər çempionatın lideri olan komandamız 1 gün əvvəl əldən verdiyi 1-ci pilləni qaytarmaq üçün meydana çıxıb. Bunun üçün 3 xal qazanmalı olan Ramin Quliyevin yetirmələri vəzifənin öhdəsindən gələ bilib. I dövrədə rəqibinə uduzan “qırmızı-qaralar” matçın taleyini ilk yarıda həll edib. Oyuna hücumlarla başlayan komandamız istəyinə fasilə öncəsi çatıb. 6 dəqiqəyə 2 qol vuran “Qəbələ” səfər qələbəsi ilə hesabına 3 xal əlavə edib. Oyunda hesabı çempionatın ən yaxşı bombardiri Ehtiram Şahverdiyev açıb. 13-cü qolunu vuran hücumçumuz penalti zərbəsini dəqiq yerinə yetirib. Mövsümdə 2-ci dəfə rəqib qapısına yol tapan Bəhlul Mustafazadə matçda son nöqtəni qoyub. Düzdür, ikinci hissədə hər iki komandanın hesabı dəyişmək imkanları olub. Lakin fasilədən sonra azarkeşlər qol görməyib.
Beləliklə, mövsümdə 13-cü qələbəsini qazanan “Qəbələ” xal hesabını 40-a çatdırıb və turnir cədvəlinin 1-ci pilləsində qərarlaşıb.
| 1 | Qəbələ | 20 | 13 | 1 | 6 | 43-22 | 40 |
| 2 | Sumqayıt | 20 | 11 | 6 | 3 | 41-21 | 39 |
| 3 | Neftçi | 20 | 10 | 4 | 6 | 47-30 | 34 |
| 4 | Kəpəz | 20 | 8 | 6 | 6 | 23-25 | 30 |
| 5 | Qarabağ | 20 | 8 | 6 | 6 | 28-19 | 30 |
| 6 | Rəvan | 20 | 9 | 2 | 9 | 32-27 | 29 |
| 7 | Zirə | 20 | 7 | 5 | 8 | 22-32 | 26 |
| 8 | İnter | 20 | 6 | 3 | 11 | 31-42 | 21 |
| 9 | Xəzər Lənkəran | 20 | 6 | 2 | 12 | 26-46 | 20 |
| 10 | AZAL | 20 | 3 | 3 | 14 | 21-50 | 12 |
