“Qəbələ” – “İnter” – 3:1
(Ehtiram Şahverdiyev, 37, 90; Ülvi İsgəndərov, 70 // İlkin Sadıqov, 35)
Bu gün əvəzedicilərin çempionatında IV dövrəyə start verilib. XXVIII turun son qarşılaşması Qəbələdə baş tutub. Öz meydanında “İnter”i qəbul edən “Qəbələ” ötən turun AZAL-la matçında olduğu kimi yenə əzmkar qələbə qazanıb. Belə ki, oyuna fəal başlayan Ramin Quliyevin yetirmələri ilk yarının 35-ci dəqiqəsində məğlub duruma düşüb. Lakin hesab açıldıqdan 2 dəqiqə sonra Ehtiram Şahverdiyev bərabərlik qoluna imza atıb. Fasiləyədək hesabı dəyişə bilməyən “qırmızı-qaralar” istəyinə ikinci hissədə çatıb. Əvvəl mövsümdə 5-ci qolunu vuran Ülvi İsgəndərov fərqlənib. Matçın son dəqiqəsində isə çempionatın ən yaxşı bombardiri Ehtiram Şahverdiyev dublunu rəsmiləşdirib. O, mövsümdə 20-ci qolunu vurub.
Beləliklə, ardıcıl 2-ci qələbəsini qazanan əvəzedicilərimiz məğlubiyyətsiz oyunlar seriyasını 11-ə çatdırıb və liderliyini möhkəmlədib.
| 1 | Qəbələ | 28 | 19 | 3 | 6 | 66-29 | 60 |
| 2 | Sumqayıt | 28 | 15 | 7 | 6 | 56-31 | 52 |
| 3 | Kəpəz | 28 | 13 | 9 | 6 | 43-33 | 48 |
| 4 | Qarabağ | 28 | 13 | 8 | 7 | 42-25 | 47 |
| 5 | Neftçi | 28 | 12 | 6 | 10 | 56-39 | 42 |
| 6 | Zirə | 28 | 11 | 5 | 12 | 36-47 | 38 |
| 7 | Rəvan | 28 | 10 | 2 | 16 | 37-52 | 32 |
| 8 | İnter | 28 | 9 | 3 | 16 | 44-55 | 30 |
| 9 | AZAL | 28 | 7 | 5 | 16 | 34-59 | 26 |
| 10 | Xəzər Lənkəran | 28 | 6 | 2 | 20 | 31-75 | 20 |
