Əvəzedicilər Küveyt millisini məğlub etdi - Fotoreportaj
Xəbərlər / 23 Yanvar 2014 | 17:00228
Mövsümün ikinci yarısının hazırlıqlarını Antalyada davam etdirən "Qəbələ"nin əvəzedicilər komandası toplanış çərçivəsində ikinci yoxlama oyununu keçirib. İlk matçda Rusiya təmsilçisi "Lokomotiv"lə (0:2) üz-üzə gələn "qırmızı-qaralar" bu dəfə Kuveytin U-21 millisi ilə münasibətlərinə aydınlıq gətirib. Matç "qırmızı-qaralar"ın 1:0 hesablı qələbəsi ilə yekunlaşıb. Qələbə qolu Murad Musayevin aktivinə yazılıb. O, matçın 21-ci dəqiqəsində penalti vuruşundan fərqlənib. Xatırladaq ki, "Qəbələ" matçın ilk hissəsində əvəzedici heyətlə, ikinci hissədə isə U-19 komandası ilə meydançaya çıxıb.
Luis Araqonun yetirmələri növbəti oyununu sabah "Antalyaspor"un U-19 komandasına qarşı keçirəcək.
OXŞAR XƏBƏRLƏR
