Əvəzedicilər məğlubiyyətlə başladılar - Fotoreportaj
Xəbərlər / 9 Avqust 2014 | 21:28186
“İnter” 4-0 “Qəbələ”
(Mirsahib Abbasov, 23; 76 (p.); İlkin Sadiqov, 29; Vüsal Nağıyev, 79 )
Topaz Premyer Liqasında çıxış edən klubların əvəzedici heyətləri arasında ölkə çempionatında 2014/15 mövsümünə start verilib. Mövsümə səfərdə başlayan “Qəbələ” ilk turda “İnter”in qonağı olub. Ötən mövsümün çempionu ilə qarşılaşma “İnter Arena”da baş tutub.
“Qırmızı-qaralar” çempionatın ilk oyununda xal qazana bilməyib. Son çempion öz meydanındakı görüşdə qələbə qazanıb. Bakılılar hər hissədə iki qol vurmağı bacarıb.
Paytaxt təmsilçisi ilk hissədə Mirsahib Abbasovun 23-cü və İlkin Sadiqovun 29-cu dəqiqədəki qolları ilə önə keçib. Bundan sonra “Qəbələ” oyunda dönüş yaratmağa çalışsa da, buna müvəffəq olmayıb. Əvəzində meydan sahibləri daha 2 qol vurub. 76-cı dəqiqədə hakimin təyin etdiyi penaltini Mirsahib Abbasov qola çevirib. 3 dəqiqə sonra Vüsal Nağıyev matçda son nöqtəni qoyub.
Qeyd edək ki, avqustun 10-da “İnter” və “Qəbələ”nin əsas komandaları “İnter Arena”da üz-üzə gələcək.
OXŞAR XƏBƏRLƏR
