Topaz Premyer Liqasında çıxış edən klubların əvəzedici heyətlərinin yarışında 2017/18 mövsümünün qalibləri mükafatlandırılıb. Tədbir XXVIII turun “Bayıl Arena”da keçirilən “Səbail” - “Keşlə” qarşılaşmasından sonra təşkil olunub. Mərasimdə çempionatın qızıl, gümüş və bürünc medalları, həmçinin yarışın bombardiri üçün nəzərdə tutulan xüsusi mükafat təqdim olunub. Yarışı 2-ci yerdə başa vuran “Qəbələ”nin əvəzedicilərdən ibarət komandası gümüş medallarını alıb. Futbol akademiyamızın yetirməsi, mövsümün ilk yarısını “qırmızı-qara” formada çıxış edib, qış fasiləsində “Sumqayıt”a keçən Ülvi İsgəndərov çempionatın bombardiri kimi mükafatlandırılıb. O, mövsümü 16 qolla başa vurub.
Xatırladaq ki, qızıl medallar “Səbail”, bürünc isə “Zirə” futbolçularına verilib.
Fotolar PFL-in rəsmi saytındandır.
