“Zirə” – “Qəbələ” – 2:1
(Muxtar Əliyev, 62; Amil Atakişiyev, 71 // Ülvi İsgəndərov, 28)
Bu gün əvəzedicilərin yarışında XXXIII turun oyunlarına yekun vurulub. Çempion titulunu ötən tur təmin edən “Qəbələ” səfərdə “Zirə” ilə qarşılaşıb. Ardıcıl 6 qələbə qazanan komandamız rəqib meydanında da matça fəal başlayıb. Bunun nəticəsində ilk yarının 28-ci dəqiqəsində Ülvi İsgəndərov hesabı açıb. Bu, onun mövsümdə 11-ci qolu olub. Fasilədən sonra meydan sahibləri iki qol vurub, əzmkar qələbə qazanıblar. Bərabərlik qolu ilə “qırmızı-qaralar”ın 4 oyunluq quru seriyasını qıran paytaxt təmsilçisi 9 dəqiqə sonra 2-ci dəfə fərqlənib. Beləliklə, 1:2 hesabı ilə uduzan Ramin Quliyevin yetirmələrinin məğlubiyyətsiz oyunlar seriyası qırılıb. Sonuncu dəfə XVII turun “Zirə” ilə səfər matçında 0:1 hesabı ilə yenilən “Qəbələ” 15 məğlubiyyətsiz qarşılaşmadan sonra paytaxtdan xalsız dönüb.
| 1 | Qəbələ | 33 | 23 | 3 | 7 | 83-31 | 72 |
| 2 | Qarabağ | 33 | 17 | 9 | 7 | 53-29 | 60 |
| 3 | Sumqayıt | 33 | 17 | 8 | 8 | 61-38 | 59 |
| 4 | Neftçi | 33 | 15 | 6 | 12 | 60-43 | 51 |
| 5 | Kəpəz | 33 | 13 | 11 | 9 | 50-44 | 50 |
| 6 | Zirə | 33 | 14 | 6 | 13 | 48-50 | 48 |
| 7 | İnter | 33 | 11 | 5 | 17 | 57-65 | 38 |
| 8 | Rəvan | 33 | 11 | 2 | 20 | 42-67 | 35 |
| 9 | AZAL | 33 | 8 | 6 | 19 | 40-68 | 30 |
| 10 | Xəzər Lənkəran | 33 | 6 | 4 | 23 | 34-93 | 22 |
