Əvəzedicilər qələbə seriyasını 4-ə çatdırdı
Xəbərlər / 12 Sentyabr 2014 | 16:43234
“Simurq” 1-3 “Qəbələ”
(Oruc Balaşlı, 75 - Ehtiram Şahverdiyev, 33; Emin Zamanov, 40; Müşfiq Teymurov, 44)
Bu gün əvəzedicilərin Azərbaycan çempionatında V turun növbəti oyunları keçirilib. “Qəbələ” mövsümün 3-cü səfər oyununda Zaqatalada “Simurq”la qarşılaşıb. Bu oyunadək ardıcıl 3 qələbə qazanan Luis Araqonun yetirmələri uğurlu seriyasını 4-ə çatdırıb. 3:1 hesabı ilə qalib gələn “qırmızı-qaralar” bütün qollarını oyunun birinci hissəsində vurub. Ehtiram Şahverdiyevin 33-cü dəqiqədə hesabı açmasından sonra “Qəbələ” qarşılaşmanın taleyini ilk yarıda həll edə bilib. Emin Zamanov və Müşfiq Teymurovunda fərqlənməsi ilə “qırmızı-qaralar” fərqi 3-ə çatdırıb. “Simurq” isə 12 dəqiqədə buraxdığı qollardan yalnız birinin əvəzini çıxa bilib. Bu da matçın 2-ci hissəsində baş verib.
Beləliklə, ardıcıl 4-cü qələbəsini qazanan “Qəbələ” hesabındakı 12 xalla 3-cü pillədə qərarlaşıb.
OXŞAR XƏBƏRLƏR
