“Qəbələ” - “Rəvan” – 1:0
(Aydın Bayramov, 8 (öz qapısına)
Əvəzedicilərin çempionatında XIV tura yekun vurulub. Turun son oyun günündə 1 qarşılaşma baş tutub. Çempionatın lideri “Qəbələ” öz meydanında “Rəvan”la qarşılaşıb. Ardıcıl 8 qələbə qazanan “qırmızı-qaralar” bu görüşə də 3 xal iddiası ilə çıxıblar. Ən yaxın izləyiciləri xal itirdiyindən qalib gələcəyi halda, Ramin Quliyevin yetirmələri xal fərqini artırmaq şansı əldə edib. Əvəzedicilər bu vəzifənin öhdəsindən gələ bilib. Üstün oyun nümayiş etdirən komandamız 1:0 hesabı ilə qələbə qazanıb. Görüşün taleyini erkən qol həll edib. Öz qapısına qol vuran qonaqların avtoqol müəllifi olması “Qəbələ”yə 3 xal qazandırıb.
Beləliklə, 13 oyundur meydanı qolsuz tərk etməyən “qırmızı-qaralar” ardıcıl 9-cu qələbəsini əldə edib. Çempionatın lideri olan komandamız 2-ci pillədən 4 xal öndə qərarlaşıb.
| 1 | Qəbələ | 14 | 10 | 0 | 4 | 33-15 | 30 |
| 2 | Neftçi | 14 | 8 | 2 | 4 | 37-20 | 26 |
| 3 | Kəpəz | 14 | 7 | 3 | 4 | 18-15 | 24 |
| 4 | Sumqayıt | 14 | 6 | 5 | 3 | 31-18 | 23 |
| 5 | Qarabağ | 14 | 6 | 3 | 5 | 19-15 | 21 |
| 6 | Rəvan | 14 | 6 | 1 | 7 | 21-20 | 19 |
| 7 | Zirə | 14 | 5 | 3 | 6 | 15-26 | 18 |
| 8 | İnter | 14 | 5 | 2 | 7 | 25-31 | 17 |
| 9 | Xəzər Lənkəran | 14 | 4 | 1 | 9 | 18-35 | 13 |
| 10 | AZAL | 14 | 2 | 2 | 10 | 14-36 | 8 |
