Əvəzedicilər «Rəvan»ı 2 qolla keçdi - Fotoreportaj
Xəbərlər / 19 Sentyabr 2013 | 21:38237
Əvəzedicilər çempionatının VII turuna "Qəbələ"-"Rəvan" matçı ilə start verilib. Rəqibini doğma meydançada qəbul edən "qırmızı-qaralar" növbəti 3 xalı aktivlərinə yazıblar. Matça "Qəbələ" sürətli hücumlarla başlayıb. Meydan sahibləri ilk 45 dəqiqədə bir neçə əlverişli vəziyyət yaratsalar da, hesab açılmayıb. İkinci hissə də eyni ssenari üzrə davam edib. Lakin ilk hissədən fərqli olaraq ikinci yarıda "Qəbələ" paytaxt təmsilçisnin müqavimətini qıra bilib. Matçın sonlarında Murad Musayev (84, pen.) və Ehtiram Şahverdiyevin (90) qolları "qırmızı-qaralar" qələbə qazandırıb - 2:0. Bu nəticədən sonra xallarının sayını 13-ə çatdıran Luis Araqonun komandası rəqiblərindən 1 matç cox keçirməklə turnir cədvəlinin II pilləsinə yüksəlib.
OXŞAR XƏBƏRLƏR
