“Kəpəz” – “Qəbələ” – 0:2
(Fərid Nəbiyev, 37; Ramil Hasanov, 82)
Bu gün əvəzedicilərin çempionatında XX tura yekun vurulub. Yarışın lideri “Qəbələ” səfərdə “Kəpəz”lə qarşılaşıb. Yevlax şəhər stadionunda keçirilən qarşılaşma “qırmızı-qaralar”ın üstünlüyü şəraitində keçib. Ötən mövsümün çempionu olan “Qəbələ” hər hissədə bir qol vuraraq, matçı qələbə ilə başa vurub. Hüseynqulu Quliyevin yetirmələri ilk hissənin sonuna 8 dəqiqə qalmış hesabı açıb. Meydan sahiblərini Fərid Nəbiyev məyus edib. Qarşılaşmanın sonuna 8 dəqiqə qalmış isə Ramil Hasanov fərqlənib. O, matçda son nöqtəni qoyub – 2:0. Bu top Hasanovun mövsümündə 11-ci qolu olub və futbolçumuz bombardirlər yarışında vahid liderliyi ələ alıb.
Beləliklə, liderliyini möhkəmlədən “Qəbələ” mövsümdə 14-cü qələbəsini qazanmaqla xal hesabını 44-ə çatdırıb.
