“Sumqayıt” 1:3 “Qəbələ”
Vüsal Bayımov, 13 - Elnur Mustafazadə, 33; Ramil Həsənov, 53, 87
Bu gün əvəzedicilərin Azərbaycan çempionatında XVII tura yekun vurulub. 2014-cü ildə son səfər oyununa çıxan “Qəbələ” Sumqayıtda eyniadlı komandanın qonağı olub. Bu matçadək yarışın vahid lideri olan “qırmızı-qaralar” autsayderlə görüşdən də qalib ayrılıb. Belə ki, Luis Araqonun yetirmələri “Sumqayıt”ı 3:1 hesabı ilə məğlub edib. Düzdür, qarşılaşma lider üçün uğurlu başlamayıb. Artıq 13-cü dəqiqədə məğlub duruma düşən “Qəbələ” fasiləyədək hesabda tarazlıq yarada bilib. Elnur Mustafazadənin qolu ilə fasiləyə bərabərliklə yollanan qonaqlar görüşün taleyini ikinci yarıda həll edib. Ramil Həsənovun 2 qolu “qırmızı-qaralar”a qələbə qazandırıb – 3:1.
Beləliklə, 15 oyundan sonra aktivindəki xalların sayı 30-a çatan “Qəbələ” vahid liderliyini qoruyub. Komanda 2014-cü ildə son oyununu dekabrın 20-də öz meydanında “İnter”ə qarşı keçirəcək.
| 1 | QƏBƏLƏ | 15 | 9 | 3 | 3 | 25-18 | 30 |
| 2 | Xəzər Lənkəran | 15 | 9 | 2 | 4 | 24-18 | 29 |
| 3 | İnter | 15 | 8 | 3 | 4 | 34-20 | 27 |
| 4 | Simurq | 15 | 8 | 2 | 5 | 29-16 | 26 |
| 5 | Qarabağ | 15 | 6 | 1 | 8 | 22-26 | 19 |
| 6 | AZAL | 14 | 4 | 6 | 4 | 15-17 | 18 |
| 7 | Neftçi | 15 | 4 | 4 | 7 | 19-26 | 16 |
| 8 | Bakı | 15 | 4 | 1 | 10 | 26-29 | 13 |
| 9 | Sumqayıt | 15 | 2 | 4 | 9 | 16-40 | 10 |
