QƏBƏLƏ FC

"Qəbələ” - “Xəzər Lənkəran” 2:3

Rəşid Əmiraslanov, 6; Elnur Mustafazadə, 47 // Elnur Cəfərov, 3; Ağabala Ramazanov, 34; Maqsum Qəmbərli, 65

Əvəzedicilər çempionatının V turunda "Qəbələ" doğma divarlar arasında "Xəzər Lənkəran"ı qəbul edib. Matç tərəflərin qarşılıqlı hücumları ilə start götürüb. Artıq 3-cü dəqiqədə qonaqlar hesabı açıb. Elnur Cəfərov fərqlənib. Lənkəran təmsilçisinin sevinci cəmi 3 dəqiqə çəkib. Rəşid Əmiraslanov dəqiq zərbə ilə hesabı bərabərləşdirib. Bərabər mübarizə şəraitində keçən oyunun 34-cü dəqiqəsi qonaqların fərqlənməsi ilə yadda qalıb. Ağabala Ramazanov komandasını irəli çıxarıb. 

İkinci hissəyə "Qəbələ" daha aktiv başlayıb. Bu fəallıq start fitindən iki dəqiqə sonra özünü hesabda da əks etdirib. Elnur Mustafazadə rəqib qapısına yol tapıb - 2:2. Matçın qalibini müəyyənləşdirən qol isə 65-ci dəqiqəyə təsadüf edib. "Xəzər Lənkəran"az 3 xal qazandıran qol Maqsum Qənbərlinin aktivinə yazılıb. Qalan dəqiqələri hücumda keçirən "Qəbələ" bir neçə fərqlənmək imkanı yaxalasa da, hesab dəyişməyib və "qırmızı-qaralar" V turu xalsız qapayıb.