“Qəbələ” – “Sumqayıt” – 1:3
(Ehtiram Şahverdiyev, 47 // Xalid İbrahimov, 70; Ramil Ocaqov, 87; Əli Əlimərdanlı, 90)
Bu gün əvəzedicilərin çempionatında V tura yekun vurulub. Turun son günündə “Qəbələ” “Sumqayıt”la qarşılaşıb. Mövsümün ilk 4 oyununda 3 xal toplayan “qırmızı-qaralar” çempionatın lideri ilə qarşılaşmaya qələbə iddiası ilə çıxıb. Ramin Quliyevin yetirmələri doğma azarkeşlər önündə xal qazanmaq üçün matça fəal başlayıb. Lakin qarşılıqlı hücumlarla keçən görüşün ilk yarısında qol vurulmayıb. Fasilədən sonra Ehtiram Şahverdiyev qonaqların qapısına yol tapıb. Futbolçumuz ardıcıl ikinci matçda fərqlənib. Belə ki, Ehtiram ötən turun “İnter”lə oyununda da qol sevinci yaşamışdı. “Qəbələ” hesabı açdıqdan sonra üstünlüyünü qoruya bilməyib. Hissənin ortalarında hesabı bərabərləşdirən qonaqlar matçın sonlarında oyunu öz xeyrinə həll edib. “Sumqayıt” son dəqiqələrdə daha iki qol vurmağa müvəffəq olub.
Beləliklə, əvəzedicilərimiz liderlə oyunda hesabı açsa da, məğlub olub – 1:3.
| 1 | Sumqayıt | 5 | 4 | 1 | 0 | 16-4 | 13 |
| 2 | Neftçi | 5 | 3 | 1 | 1 | 14-5 | 10 |
| 3 | Zirə | 5 | 3 | 1 | 1 | 5-6 | 10 |
| 4 | Xəzər Lənkəran | 5 | 3 | 0 | 2 | 11-14 | 9 |
| 5 | Kəpəz | 5 | 2 | 1 | 2 | 5-6 | 7 |
| 6 | Rəvan | 5 | 2 | 0 | 3 | 6-9 | 6 |
| 7 | İnter | 5 | 2 | 0 | 3 | 11-14 | 6 |
| 8 | Qarabağ | 5 | 2 | 0 | 3 | 7-6 | 6 |
| 9 | AZAL | 5 | 1 | 0 | 4 | 6-13 | 3 |
| 10 | Qəbələ | 5 | 1 | 0 | 4 | 5-9 | 3 |
