“Qəbələ” – AZAL - 3-0
Tellur Mütəllimov, 11, 26, 52
Bu gün əvəzedicilərin çempionatında XX tura start verilib. 2015-ci ilin ilk ev oyununa çıxan “Qəbələ” AZAL-la qarşılaşıb. “Qırmızı-qaralar” paytaxt təmsilçisi ilə görüşdə mövsümün ilk yarısındakı ilk qələbəsini qazanıb. Matçın taleyini Tellur Mütəllimov həll edib. Bakılıların qapısına 3 qol vuran gənc futbolçu het-trikə imza atmaqla böyükhesablı qələbənin memarı olub. Erkən qolla hesabı açan Mütəllimov ilk yarının ortalarında fərqi artırıb. İkinci hissənin əvvəlində 3-cü dəfə fərqlənən Mütəllimov “Qəbələ”nin zirvəyə yüksəlməsində pay sahibi olub.
Beləliklə, 3:0 hesablı qələbədən sonra Luis Araqonun yetirmələri xal hesabını 34-ə çatdırıb. XX turun ilk oyun günündən sonra “qırmızı-qaralar” 1-ci pilləyə yüksəlib.
| 1 | Qəbələ | 18 | 10 | 4 | 4 | 29-23 | 34 |
| 2 | İnter | 17 | 10 | 3 | 4 | 41-22 | 33 |
| 3 | Simurq | 18 | 10 | 2 | 6 | 39-19 | 32 |
| 4 | Xəzər Lənkəran | 17 | 10 | 2 | 5 | 27-25 | 32 |
| 5 | Qarabağ | 16 | 7 | 1 | 8 | 25-27 | 22 |
| 6 | AZAL | 17 | 5 | 6 | 6 | 19-23 | 21 |
| 7 | Neftçi | 17 | 5 | 4 | 8 | 21-30 | 19 |
| 8 | Bakı | 17 | 4 | 2 | 11 | 27-32 | 14 |
| 9 | Sumqayıt | 17 | 2 | 4 | 11 | 18-45 | 10 |
