“Zirə” 1-1 “Qəbələ”
(Muxtar Əliyev, 10 (p.) // Ravil Yusifli, 11)
Bu gün əvəzedicilərin yarışında VI turun növbəti oyunu baş tutub. İlk 4 oyunda 7 xal toplayan “Qəbələ” “Zirə” ilə qarşılaşıb. Hüseynqulu Quliyevin yetirmələri 3-cü pillədə qərarlaşan rəqiblə səfər matçına 3 xal iddiası ilə çıxıb. Qələbə “qırmızı-qaralar”a həm “Zirə”ni keçmək, həm də 2-ci pilləyə yüksəlmək imkanı yaradacaqdı. Lakin matçda qalib müəyyənləşməyib. Belə ki, hərəyə 1 qol vuran komandalar 1 xal qazanıb. Qarşılıqlı hücumlarla başlayan görüşdə hesabı meydan sahibləri açıb. 10-cu dəqiqədə Muxtar Əliyev penaltidən yararlanıb. 1 dəqiqə keçmiş Ravil Yusifli komandamızın bərabərlik qolunu vurub. Bu, gənc futbolçunun mövsümdə ilk qolu olub.
Beləliklə, mövsümdə ikinci səfər oyununu keçirən əvəzedicilərimiz “Neftçi” ilə matçdakı (2:2) kimi yenə rəqib meydanından 1 xalla dönüb.
| 1 | İnter | 6 | 4 | 1 | 1 | 7-4 | 13 |
| 2 | Neftçi | 5 | 3 | 1 | 1 | 9-7 | 10 |
| 3 | Zirə | 6 | 2 | 3 | 1 | 8-5 | 9 |
| 4 | Qəbələ | 5 | 2 | 2 | 1 | 10-4 | 8 |
| 5 | Qarabağ | 5 | 2 | 1 | 2 | 6-6 | 7 |
| 6 | Kəpəz | 5 | 1 | 3 | 1 | 3-4 | 6 |
| 7 | AZAL | 6 | 1 | 0 | 5 | 5-13 | 3 |
| 8 | Sumqayıt | 4 | 0 | 1 | 3 | 1-6 | 1 |
