“Sumqayıt” – “Qəbələ” – 0:3
Rövlan Muradov, 3; Hacıağa Hacılı, 14; Ülvi İsgəndərov, 57
Bu gün əvəzedicilərin çempionatında VIII tura yekun vurulub. “Qəbələ” II dövrənin ilk oyununda “Sumqayıt”la qarşılaşıb. İlk dövrədə xal itkisi ilə üzləşməyən “qırmızı-qaralar” səfər oyununda da seriyasını davam etdirib. Komandamız erkən qolla hesabı açıb. Rövlan Muradov 3-cü dəqiqədə fərqlənib. Az keçməmiş Hacıağa Hacılı fərqi artırıb. Çempionatın ən yaxşı bombardiri Ülvi İsgəndərovun fasilədən sonra vurduğu qol isə “Qəbələ”nin böyükhesablı qələbəsini rəsmiləşdirib – 3:0. Bu, Ülvinin 12-ci qolu olub. Elmar Baxşıyevin yetirmələri cari mövsümün 8 matçında 6-cı böyükhesablı qələbəsini əldə edib.
Beləliklə, mövsümün startında ardıcıl 8-ci qələbəsini qazanan “qırmızı-qaralar” liderliyini daha da möhkəmləndirib.
| 1. | Qəbələ | 8 | 8 | 0 | 0 | 35 - 4 | 24 |
| 2. | Zirə | 7 | 5 | 0 | 2 | 13 - 8 | 15 |
| 3. | Səbail | 8 | 3 | 2 | 3 | 12 - 14 | 11 |
| 4. | Sumqayıt | 8 | 2 | 3 | 3 | 11 - 22 | 9 |
| 5. | Neftçi | 7 | 2 | 1 | 4 | 7 - 13 | 7 |
| 6. | İnter | 6 | 1 | 4 | 1 | 10 - 13 | 7 |
| 7. | Kəpəz | 8 | 1 | 3 | 4 | 8 - 12 | 6 |
| 8. | Qarabağ | 8 | 1 | 1 | 6 | 7 - 17 | 4 |
