“Qəbələ” – “Zirə” – 2:1
(Bəhlul Mustafazadə, 17; Sadiq Quliyev, 85 // Cavidan Ömərli, 69)
Bu gün əvəzedicilərin çempionatında XII tura start verilib. Milli komandaların oyunları ilə əlaqədar yaranan fasilədən sonra baş tutan turun ilk görüşü Qəbələdə baş tutub. Ötən mövsümün çempionu olan “qırmızı-qaralar” öz meydanında “Zirə”ni qəbul edib. Qarşılaşmaya fəal başlayan Hüseynqulu Quliyevin yetirmələri artıq 17-ci dəqiqədə hesabı açıb. Qonaqları Bəhlul Mustafazadə məyus edib. Bu, onun mövsümdə 2-ci qolu olub. Fasilədən sonra paytaxt təmsilçisi hesabda tarazlıq yarada bilib. Cavidan Ömərli 69-cu dəqiqədə qol sevinci yaşayıb. Lakin öz meydanında xal itirmək istəməyən “qırmızı-qaralar” matçın sonlarında təzyiqi artırıb. Bunun nəticəsində “Qəbələ” qələbə qolunu vurmağa müvəffəq olub. 85-ci dəqiqədə Sadiq Quliyev zirəlilərin qapısına yol tapıb – 2:1. Komanda yoldaşı kimi müdafiəçimiz də mövsümdəki qol sayını 2-yə çatdırıb.
Beləliklə, ardıcıl 2-ci qələbəsini qazanan əvəzedicilərimiz xal hesabını 20-yə çatdıraraq, turnir cədvəlində ikinci pilləyə yüksəlib.
| 1 | Qarabağ | 11 | 7 | 2 | 2 | 23-11 | 23 |
| 2 | Qəbələ | 11 | 6 | 2 | 3 | 23-12 | 20 |
| 3 | Neftçi | 11 | 6 | 1 | 4 | 14-12 | 19 |
| 4 | İnter | 11 | 5 | 2 | 4 | 9-8 | 17 |
| 5 | Zirə | 12 | 4 | 4 | 4 | 14-12 | 16 |
| 6 | Kəpəz | 11 | 3 | 4 | 4 | 11-12 | 13 |
| 7 | Sumqayıt | 10 | 3 | 1 | 6 | 9-21 | 10 |
| 8 | AZAL | 11 | 2 | 0 | 9 | 13-28 | 6 |
