“Qəbələ” - AZAL - 2:1
(Şamil Camaləddinov, 52; Ehtiram Şahverdiyev, 85 // İlqar Babayev, 66)
Bu gün əvəzedicilərin çempionatında II dövrəyə start verilib. “Qəbələ” X turun qarşılaşmasında AZAL-ı qəbul edib. Ardıcıl 4 qələbə qazanan Ramin Quliyevin yetirmələri ev qarşılaşmasına da fəal başlayıb. Lakin “qırmızı-qaralar”ın səylərinə baxmayaraq, oyunun birinci hissəsində qol vurulmayıb. Görüşdə vurulan bütün qollar isə fasilədən sonraya təsadüf edib.
“Qəbələ” ikinci hissənin əvvəlində Şamil Camaləddinovun qolu ilə hesabı açıb. Lakin qonaqlar az keçməmiş hesabda tarazlıq yaradıb. Komandamıza qələbə qazandıran qol isə final fitinə 5 dəqiqə qalmış vurulub. Mövsümdə 8-ci qolunu vuran Ehtiram Şahverdiyev “qırmızı-qaralar”a 3 xal qazandırıb – 2:1
Beləliklə, mövsümdə 6-cı qələbəsini qazanan əvəzedicilərimiz xal hesabını 18-ə çatdıraraq, 4-cü pillədəki yerini qoruyub.
| 1 | Neftçi | 10 | 7 | 1 | 2 | 32-13 | 22 |
| 2 | Sumqayıt | 10 | 6 | 2 | 2 | 28-13 | 20 |
| 3 | Kəpəz | 9 | 6 | 1 | 2 | 13-7 | 19 |
| 4 | Qəbələ | 10 | 6 | 0 | 4 | 23-12 | 18 |
| 5 | Xəzər Lənkəran | 10 | 4 | 0 | 6 | 16-27 | 12 |
| 6 | Rəvan | 9 | 4 | 0 | 5 | 13-14 | 12 |
| 7 | Qarabağ | 9 | 3 | 2 | 4 | 11-10 | 11 |
| 8 | Zirə | 9 | 3 | 1 | 5 | 9-22 | 10 |
| 9 | İnter | 10 | 3 | 1 | 6 | 14-31 | 10 |
| 10 | AZAL | 10 | 2 | 0 | 8 | 10-28 | 6 |
