AZAL – “Qəbələ” – 1:3
(Fərid Hacıyev, 18 // Amil Həsənov, 55, 84; Roman Hüseynov, 58)
Əvəzedicilərin Azərbaycan çempionatında IV dövrəyə start verilib. Bütün oyunları eyni gündə və eyni saatda keçirilən XXVIII turda “Qəbələ” AZAL-la qarşılaşıb. Sonuncu oyununu martın 12-də Bakıda “İnter”ə qarşı keçirən “qırmızı-qaralar” 23 günlük fasiləyə paytaxtda son verib. Əvvəlki oyunlarda rəqibindən 7 xal alan Luis Araqonun yetirmələri bu dəfə də səfərdə qalib gələ bilib. Düzdür, komandamız ilk yarıda buraxdığı qolla məğlub duruma düşüb. Lakin fasilədən sonra “Qəbələ” əzmkarlıq nümayiş etdirib. Əvvəl komandamız 4 dəqiqəyə 2 qol vurub. Amil Həsənov və Roman Hüseynovun vurduğu qollarla hesabda tarazlıq yaradıb, önə keçən komandamız matçın sonlarında fərqi artırmağa da müvəffəq olub. Hakimin final fitinə 6 dəqiqə qalmış Amil dublunu rəsmiləşdirib – 3:1.
Beləliklə, əzmkar qələbə əldə edən “Qəbələ” xal hesabını 42-yə çatdırmaqla 3-cü pillədəki mövqeyini möhkəmlədib.
| 1 | İnter | 25 | 15 | 4 | 6 | 64-33 | 49 |
| 2 | Simurq | 25 | 15 | 3 | 7 | 56-29 | 48 |
| 3 | Qəbələ | 25 | 12 | 6 | 7 | 40-33 | 42 |
| 4 | Neftçi | 25 | 10 | 7 | 8 | 35-35 | 37 |
| 5 | Xəzər Lənkəran | 25 | 10 | 5 | 10 | 31-41 | 35 |
| 6 | Qarabağ | 25 | 9 | 3 | 13 | 34-43 | 30 |
| 7 | Bakı | 25 | 9 | 2 | 14 | 38-44 | 29 |
| 8 | AZAL | 25 | 7 | 7 | 11 | 27-37 | 28 |
| 9 | Sumqayıt | 24 | 3 | 7 | 14 | 29-59 | 16 |
