Əvəzedicilərdən əzmkar qələbə
Xəbərlər / 24 Oktyabr 2013 | 14:37320
“Qəbələ” 2:1 “Sumqayıt”
(Ehtiram Şahverdiyev, 14; 68 // Bayram Nuruzadə, 10)
Əvəzedicilər çempionatının XI turunda "Qəbələ" doğma meydançada "Sumqayıt"la qarşılaşıb. Matça meydan sahibləri daha üstün başlasalar da, hesabı qonaqlar açıb. Bayram Nuruzadə komandasını irəli çıxarıb. Sumqayıtlıların sevinci cəmi 4 dəqiqə sürüb. Təzyiqi artıran "Qəbələ" 14-cü dəqiqədə status-kvonu bərpa edib. Ehtiram Şahverdiyev fərqlənib.
İkinci hissədə də üstün tərəf "qırmızı-qaralar" olub. Ardıcıl hücumlar quran Luis Araqonun yetirmələri nəhayət 68-ci dəqiqədə hesabı öz xeyrlərinə dəyişiblər. Ehtiram Şahverdiyev dəqiq baş zərbəsi ilə dublunu rəsmiləşdirib - 2:1. Bu görüşdə qeydə alınan son qol olub və "Qəbələ" "Sumqayıt" qarşısında əzmkar qələbə qazanıb.
OXŞAR XƏBƏRLƏR
