“Rəvan” – “Qəbələ” – 1:3
(Cavad Kazımov, 88 // Emin Zamanov, 23 (p.); Roman Hüseynov, 35; Bəhlul Mustafazadə, 51)
Bu gün əvəzedicilərin çempionatında VI tura start verilib. Turun ilk qarşılaşmasında “Qəbələ” “Rəvan”la görüşüb. “Qırmızı-qaralar” səfər matçını “Bayıl Arena”da keçirib. Son 4 qarşılaşmada meydanı qolsuz tərk etməyən Ramin Quliyevin yetirmələri paytaxtdakı qarşılaşmaya da hücumlarla başlayıb. Komandamızın fəallığı ilk hissənin ortalarında bəhrəsini verib. Emin Zamanov penalti zərbəsini qola çevirib. 12 dəqiqə sonra əvəzedicilərimiz hesabda fərqi artırıb. Bu dəfə Roman Hüseynov fərqlənib. Fasilədən sonra da oyuna nəzarəti əldən verməyən “Qəbələ” 51-ci dəqiqədə 3-cü qolu vurub. Meydan sahiblərini Bəhlul Mustafazadə məyus edib. Qarşılaşmanın taleyini həll edən əvəzedicilərimiz matçın sonlarında bir qol buraxıb. “Qırmızı-qaralar”ın böyükhesablı qələbəsinə Cavad Kazımovun qolu mane olub.
Beləliklə, 3:1 hesabı ilə qalib gələn “Qəbələ” mövsümdə ikinci, səfərdə birinci qələbəsini qazanmaqla xal hesabını 6-ya çatdırıb.
| 1 | Sumqayıt | 5 | 4 | 1 | 0 | 16-4 | 13 |
| 2 | Neftçi | 5 | 3 | 1 | 1 | 14-5 | 10 |
| 3 | Xəzər Lənkəran | 5 | 3 | 0 | 2 | 11-14 | 9 |
| 4 | Rəvan | 6 | 3 | 0 | 3 | 10-11 | 9 |
| 5 | Kəpəz | 5 | 2 | 1 | 2 | 5-6 | 7 |
| 6 | Zirə | 5 | 2 | 1 | 2 | 4-9 | 7 |
| 7 | İnter | 5 | 2 | 0 | 3 | 11-14 | 6 |
| 8 | Qarabağ | 5 | 2 | 0 | 3 | 7-6 | 6 |
| 9 | Qəbələ | 6 | 2 | 0 | 4 | 8-10 | 6 |
| 10 | AZAL | 5 | 1 | 0 | 4 | 6-13 | 3 |
