“Qarabağ” – “Qəbələ” – 3:1
(Şahin Əliyev, 16(p.); 67; Elgün Nəbiyev, 76 /// Ayxan Əsədov, 20)
Bu gün əvəzedicilərin çempionatında XXV tura start verilib. İlk oyun gününün mərkəzi qarşılaşmasında yarışın liderləri “Qəbələ” və “Qarabağ” üz-üzə gəlib. Bu matçadək ən yaxın izləyicisi olan Ağdam klubunu 5 xal qabaqlayan “qırmızı-qaralar” səfər matçına da fəal başlayıblar. Hüseynqulu Quliyevin yetirmələrinin üstünlüyə malik olduğu qarşılaşmada hesabı meydan sahibləri açıb. “Qarabağ” penalti zərbəsi ilə hesabda önə keçib. Buraxılan qoldan sonra hücumlarını daha da artıran “Qəbələ” Ayxan Əsədovun fərqlənməsi ilə hesabda tarazlıq yaradıb – 1:1. Qarşılıqlı hücumlar şəraitində keçən matçın ikinci yarısında da ərazi üstünlüyü qonaqlarda olub. Lakin komandamız real qol vəziyyətlərindən yararlana bilməyib. “Qarabağ” isə fasilədən sonra vurduğu 2 qolla meydanı 3:1 hesabı ilə tərk edib.
Beləliklə, komandamız paytaxt səfərindən məğlub dönüb. Buna baxmayaraq, çempionatın sonuna 3 tur qalmış hesabında 51 xal olan “Qəbələ” liderliyini davam etdirir və izləyicisini 2 xal qabaqlayır.
| 1 | Qəbələ | 25 | 16 | 3 | 6 | 51-27 | 51 |
| 2 | Qarabağ | 25 | 14 | 7 | 4 | 47-25 | 49 |
| 3 | Neftçi | 25 | 13 | 5 | 7 | 45-26 | 44 |
| 4 | İnter | 24 | 10 | 6 | 8 | 20-18 | 36 |
| 5 | Zirə | 24 | 7 | 7 | 10 | 28-30 | 28 |
| 6 | Kəpəz | 25 | 7 | 7 | 11 | 26-37 | 28 |
| 7 | Sumqayıt | 24 | 7 | 2 | 15 | 33-56 | 23 |
| 8 | AZAL | 24 | 4 | 3 | 17 | 27-58 | 15 |
