“Səbail” – “Qəbələ” – 4:3
(Emil Həsənzadə, 9; Vüqar Nadirov, 25, 53, 63 // Əli Sadıqov, 13; Faiq Hacıyev, 28; Kamran Quliyev, 60)
Əvəzedicilərin çempionatında XVII turun daha bir oyunu keçirilib. Turun ikinci günü mərkəzi qarşılaşma ilə başlayıb. Turnir cədvəlinin ilk pilləsində qərarlaşan “Qəbələ” və “Səbail” sonuncuların meydanında üz-üzə gəlib. Məhsuldar keçən qarşılaşmada 7 qol vurulub. İlk yarıda iki dəfə hesabda geri düşən “qırmızı-qaralar” öncə Əli Sadıqov, ardınca Faiq Hacıyevin qolu ilə hesabda tarazlıq yaradıb. Fasilədən sonra bakılılar yenə önə keçib ki, bu dəfə Kamran Quliyev bərabərlik qoluna imza atıb. Meydan sahiblərinin 4-cü qolu isə qarşılaşmada həlledici olub. Beləliklə, Emin İmaməliyevin yetirmələri paytaxt səfərində 3:4 hesabı ilə məğlubiyyətlə ayrılıblar.
| N | Klublar | O | Q | H | M | T-F | X |
| 1 | Qəbələ | 17 | 12 | 2 | 3 | 58-18 | 38 |
| 2 | Səbail | 17 | 9 | 3 | 5 | 29-25 | 30 |
| 3 | Keşlə | 17 | 6 | 9 | 2 | 26-20 | 27 |
| 4 | Zirə | 16 | 6 | 4 | 6 | 21-26 | 22 |
| 5 | Qarabağ | 17 | 6 | 3 | 8 | 23-29 | 21 |
| 6 | Neftçi | 16 | 5 | 4 | 7 | 13-20 | 19 |
| 7 | Sumqayıt | 17 | 4 | 4 | 9 | 18-35 | 16 |
| 8 | Kəpəz | 17 | 1 | 7 | 9 | 11-26 | 10 |
