“Qəbələ” – “Qarabağ” – 1:1
(Murad Musayev, 72 - Fuad Kərimli, 39)
Bu gün əvəzedicilərin yarışında XXVI turun ilk oyunu keçirilib. “Qəbələ” öz meydanında “Qarabağ”la qarşılaşıb. Çempionatın lideri olan “qırmızı-qaralar” mövsümün ikinci yarısında uğurla çıxış edən rəqibi ilə matça 3 xal iddiası ilə çıxıb. Ardıcıl 3 ev oyununda qələbə qazanan Ramin Quliyevin yetirmələri bu uğurlu seriyanı davam etdirmək istəsə də, 1 xalla kifayətlənməli olub. Belə ki, ardıcıl 7 oyundur meydanı qolsuz tərk etməyən “Qarabağ” birinci hissənin sonlarında hesabı açıb. “Qəbələ” yalnız oyununun sonuna 18 dəqiqə qalmış hesabda tarazlıq yarada bilib. Komandamızın heyətində Murad Musayev fərqlənib. O, mövsümdə ilk qoluna imza atıb. Beləliklə, məğlubiyyətsiz oyunlar seriyasını 9-a çatdıran əvəzedicilərimiz xal hesabını 54-ə yüksəldərək, 1-ci pillədəki mövqeyini möhkəmlədib.
| 1 | Qəbələ | 26 | 17 | 3 | 6 | 61-27 | 54 |
| 2 | Sumqayıt | 25 | 13 | 7 | 5 | 49-27 | 46 |
| 3 | Kəpəz | 25 | 11 | 8 | 6 | 36-29 | 41 |
| 4 | Qarabağ | 26 | 11 | 8 | 7 | 37-23 | 41 |
| 5 | Neftçi | 25 | 11 | 6 | 8 | 52-34 | 39 |
| 6 | Zirə | 25 | 10 | 5 | 10 | 33-44 | 35 |
| 7 | Rəvan | 25 | 9 | 2 | 14 | 33-44 | 29 |
| 8 | İnter | 25 | 8 | 3 | 14 | 40-51 | 27 |
| 9 | AZAL | 25 | 6 | 4 | 15 | 29-54 | 22 |
| 10 | Xəzər Lənkəran | 25 | 6 | 2 | 17 | 29-66 | 20 |
