QƏBƏLƏ FC

"Qarabağ" - "Qəbələ" 4:3 

03 noyabr 2013. Saat 15:00. Tofiq Bəhramov adına Respublika stadionu. 1000 tamaşaçı

Baş hakim: Ağayev Əliyar

Baş hakimin köməkçiləri: Zeynalov Zeynal, Mahmudov Mehman

Dördüncü hakim: Məhərrəmov Ramiz

Əlavə köməkçi hakimlər:  Əsgərov Elvin, Əhmədov Ramil 

AFFA nümayəndəsi: Hüseynov Mübariz

Hakim-inspektor: Xudiyev Asim

Sarı vərəqələr: Reynaldo Silva, 90+1 (qeyri-idman hərəkəti) // Volodimir Levin, 64 (qeyri-idman hərəkəti); Ürfan Abbasov, 66 (qeyri-idman hərəkəti) 

Qollar: Nikolas Gelaşvili, 26; 50; Vüqar Nadirov, 37; Marinaldo da Silva, 65 // Lorenzo Ebesilio, 72; Leonardo da Silva, 78; Luis Paulo Hilario, 86

Artırılan vaxt: I hissədə - 1 dəq.; II hissədə - 3 dəq.

Premyer Liqanın XII turunda "Qəbələ" səfərdə "Qarabağ"la üz-üzə gəldi. Turnir cədvəlində liderliyə yüksəlmək baxımından matç hər iki komanda üçün önəm kəsb edirdi. Bu baxımdan matçın maraqlı və gərgin mübarizə şəraitində keçəcəyi gözlənilən idi.

Oyun tərəflərin ehtiyatlı hücumları ilə start götürdü. Matçın ilk 10 dəqiqəsi tərəflərin kəşfiyyat xarakterli gedişləri ilə yadda qaldı. Qarşılaşmanın ilk qol epizodu 12-ci dəqiqəyə təsadüf etdi. Gelaşvili əlverişli mövqedə olsa da, topu çərçivəyə göndərə bilmədi. "Qəbələ"nin cavabı gecikmədi. 2 dəqiqə sonra Subotiç qüvvətli zərbə ilə topu çərçivə istiqamətində göndərsə də, top tirin üzərindən meydançanı tərk etdi. 20-ci dəqiqədə Viktor Mendi diqqət mərkəzinə düşdü. Onun "qırmızı-qaralar"ın əks-hücumundan sonra qapıya zərbəsində dəqiqlik çatmadı. 26-cı dəqiqədə meydan sahibləri hesabı açdılar. Hacı Əhmədovun zərbəsindən sonra qapıçıdan qayıdan topu Gelaşvili tora göndərdi. 37-ci dəqiqədə hesab arasındakı fərq ikiyə çatdı. Gelaşvilinin ötürməsini Vüqar Nadirov dəqiq tamamladı və ilk hissənin hesabını müəyyənləşdirdi - 2:0.

İkinci hissəyə "Qəbələ" iki əvəzetmə ilə start verdi. Yuri Syomin Amit Quluzadənin yerinə Nizami Hacıyevi, Viktor Mendinin əvəzinə isə Leonardo Da Silvanı meydançaya buraxdı. Bu dəyişikliklərdən sonra "qırmızı-qaralar"ın oyununda canlanma yaransa da, fərqlənən tərəf yenə "Qarabağ" oldu. 50-ci dəqiqədə qapıçı ilə üzbəüz qalan gürcü dublunu rəsmiləşdirdi. 54-cü dəqiqədə Dodo hesab arasındakı fərqi azaltmaq şansı qazansa da, onun zərbəsi qapıçıya tuş gəldi. Əvəzində "Qarabağ" 4-cü dəfə fərqləndi. Marinaldo cərimə zərbəsindən topu birbaşa qapıya göndərdi. Matçın qalan dəqiqələri daha maraqlı və gərgin keçdi. 4-cü qoldan sonra komanda şəklində irəli atılan "Qəbələ" üstünlüyü ələ keçirdi. Bu üstünlük 72-ci dəqiqədə öz bəhrəsini verdi. Dododan ötürmə alan Lorenzo Ebesilio toru silkələdi. Qoldan sonra hücumlarının kəsərini biraz da artıran Yuri Syominin komandası 78-ci dəqiqədə "Qarabağ"ı növbəti dəfə meydanın mərkəzinə dəvət etdi. Leonardo Da Silva uzaq məsafədən baxımlı qola imza atdı. Bu dəqiqələrdə meydan sahiblərində çaşqınlıq hiss olunurdu. Üstünlüyü əldən verməyən "Qəbələ" rəqibin çaşqınlığını 3-cü qolla dəyərləndirdi. Subotiçin ideal ötürməsini 85-ci dəqiqədə Dodo qola çevirdi. 14 dəqiqədə 3 dəfə fərqlənən "Qəbələ" qalan dəqiqələrdə bir neçə təhlükəli vəziyyət yaratsa da, bir epizodda müdafiəçi Rəşad Sadıqov, bir epizodda isə qapıçı komandasını xilas etdi. Bir epizodda isə Subotiçə dəqiqlik çatmadı. Beləliklə, "Qəbələ" son dəqiqələrində böyük əzmkarlıq göstərdiyi matçda minimal hesabla məğlub oldu.

“Qarabağ”

1. Fərhad Vəliyev

5. Maksim Medvedev

6. Hacı Əhmədov 

9. Reynaldo Silva

14. Rəşad Sadıqov (k)

17. Vüqar Nadirov 

(10. Muarem Muarem, dəq.76)

20. Riçard Almeyda 

24. Admir Teli

25. Ansi Aqolli

70. Marinaldo da Silva

(55. Bədavi Hüseynov, dəq.90)

99. Nikolas Gelaşvili 

(41. Corc Leroy, dəq.75)

Ehtiyat oyunçular:

13. İbrahim Sehiç

7. Namiq Yusifov 

11. Ulrix Kapolonqo

15. Toğrul Bilallı

Baş məşqçi: Qurban Qurbanov

“Qəbələ”

25. Dieqo Kosta

3. Nikola Valentiç

(11. Yannik Kamanan, dəq.87)

4. Amid Quluzadə

(8. Nizami Hacıyev, dəq.46)

6. Volodimir Levin (k)

9. Viktor Mendi 

(42. Leonardo da Silva, dəq.46)

10. Luis Hillario Dodo 

14. Lorenzo Ebesilio

18. İbrahima Niasse 

31. Daniel Subotiç

34. Ürfan Abbasov 

36. Elnur Allahverdiyev 

 

Ehtiyat oyunçular:

27. David Pietrzkeviç

22. Assis Rodriqes

84. Kelhar Deyan

88. Müşfiq Teymurov

 

Baş məşqçi: Yuri Syomin