Fariz Məmmədovun rəqibi müəyyənləşdi
Xəbərlər / 17 Sentyabr 2014 | 19:39227
Azərbaycanı və "Qəbələ" İdman Klubunun boksçusu Fariz Məmmədovun növbəti rəqibi müəyyənləşib. 2016-cı ildə Braziliyanın Rio-de-Janeyro şəhərində keçiriləcək Olimpiya Oyunlarına lisenziya uğrunda mübarizə aparan idmançımızın rəqibi Qazaxıstanın Almatı şəhərində təşkil olunan rəsmi püşkatma mərasimində bəlli olub. Məmmədov rusiyalı boksçu Andrey Zamkovoyla görüşəcək.
27 yaşlı rusiyalı 187 sm boya malikdir. 2012-ci ildə keçirilən London Olimpiadasının bürünc mükafatçısı olan Zamkovoy 2009-cü ildə dünya çempionatının gümüş medalını əldə edib. 2010 və 2011-ci illərdə iki dəfə Rusiya çempionu tituluna yiyələnən boksçu bu uğurlarını 69 kq çəki dərəcəsində əldə edib. Boksçu Rusiyanın əməkdar idman ustasıdır.
Məmmədovla Zamkovoy arasında döyüş olimpiya lisenziyası uğrunda olacaq. Gərgin mübarizə vəd edən qarşılaşma oktyabrın 24-26-da Bakıda keçiriləcək.
OXŞAR XƏBƏRLƏR
