Fevralın 7-8-də Bakıda “Şağan” Olimpiya İdman Kompleksində gənc samboçular arasında Azərbaycan birinciliyi keçirilib. Yarışda “Qəbələ” İdman klubunun üzvləri də iştirak ediblər. Birinciliyə geniş heyətlə qatılan təmsilçilərimiz yarışda uğurla çıxış edib. Belə ki, klubumuzun gənc samboçuları birincilikdə 6 medal qazanıb.
Ceyhun Babakişiyev (82 kq), Vasif Şərbətli (90 kq) və Cəlil Şükürov (100 kq) öz çəki dərəcələrində bütün rəqiblərinə qalib gələrək, fəxri kürsünün ən yüksək pilləsinə qalxıblar. Yalnız finalda uduzan Xəzər Həsənovla (52 kq) Sənan Əhmədov (100 kq) ikinci yeri tutublar. 74 kq çəki dərəcəsində çıxış edən Şamil Rəcəbli isə bürünc medalla kifayətlənib.
Beləliklə, “Qəbələ” samboçuları birinciliyi 3 qızıl, 2 gümüş və 1 bürünc medalla başa vurublar.
