Güləşçimizdən gümüş medal
Xəbərlər / 18 Yanvar 2016 | 20:34143
Yanvarın 16-da Bakıda 20 Yanvar şəhidi Müşfiq İsayevin xatirəsinə həsr olunmuş sərbəst güləş üzrə yeniyetmələr arasında ənənəvi beynəlxalq turnir keçirilib. Azərbaycan Güləş Federasiyasının təşkil etdiyi yarışda ölkəmizin təmsilçiləri ilə yanaşı, Rusiya və Gürcüstan idmançıları da iştirak edib. 200-dən çox güləşçinin mübarizə apardığı turnirdə “Qəbələ” İdman Klubunun üzvləri də iştirak edib. Təmsilçimiz Elgün Səmədov yarışı mükafatçılar arasında başa vurub. 42 kq çəki dərəcəsində çıxış edən güləşçimiz finala qədər bütün rəqiblərini məğlub edərək, yalnız həlledici görüşdə uduzub. Bununla da Səmədov turniri gümüş medalla başa vurub.
OXŞAR XƏBƏRLƏR
