İki fərqli hissə, üstün oyun, bəxtsiz «Qəbələ»
Xəbərlər / 25 Avqust 2013 | 15:43254
“Qəbələ” – “Qarabağ” 0:1
25 avqust 2013. Saat 18:00. Qəbələ şəhər stadionu. 2000 tamaşaçı
Baş hakim: Əliyar Ağayev
Baş hakimin köməkçiləri: Mehman Mahmudov, Vaqif Musayev
Dördüncü hakim: Sərxan İsmayılov
Əlavə köməkçi hakimlər: Feyzulla Feyzullayev, Rauf Cabbarov
AFFA nümayəndəsi: Qürbət Həsənov
Hakim-inspektor: Xaqani Məmmədov
Sarı vərəqələr: Rail Məlikov, 7 (qeyri-idman hərəkəti); Amit Quluzadə, 43 (qeyri-idman hərəkəti); Lorenzo Ebesilio, 68 (qeyri-idman hərəkəti) // Qara Qarayev, 59 (qeyri-idman hərəkəti); Fərhad Vəliyev, 61 (oyunun bərpasını gecikdirdiyinə görə); Vüqar Nadirov, 68 (qeyri-idman hərəkəti); Ulrix Kapolonqo, 68 (qeyri-idman hərəkəti)
Qol: Vüqar Nadirov, 16
Artırılan vaxt: I hissədə - 1 dəq.; II hissədə - 5 dəq.
Topaz Premyer Liqasının IV turunda "Qəbələ" doğma meydançada "Qarabağ"ı qəbul etdi. Oyun tərəflərin ehtiyatlı hücumları ilə start götürdü. Kəşfiyyat xarakterli mübarizədə qonaqların nisbi üstünlüyü hökm sürürdü. İlk yaddaqalan hücum isə meydan sahiblərinin aktivinə yazıldı. Leonardonun asmasına Dodo istədiyi kimi toxunsaydı, hesab açılacaqdı. Əvəzində “Qarabağ” qol arzusuna çatdı. Ürfan Abbasovun səhvini bağışlamayan Vüqar Nadirov hesabı açdı. Qoldan sonra “Qəbələ” irəli atılsa da, ön xəttin qeyri-dəqiqliyi hesabın dəyişməsinə imkan vermədi.
İkinci yarı tam fərqli ssenaridə başladı. Tam fərqli futbol nümayiş etdirən “qırmızı-qaralar” üstünlüyü final fitinədək əldən vermədilər. 45 dəqiqə boyunca meydan sahibləri 2 oyuna yetəcək sayda qol vəziyyəti yaxaladı. Əvvəlcə Dodo, ardınca isə Mendi Qurban Qurbanovun komandasını həyəcanlandırdı. 55-ci dəqiqədə isə Leonardonun cərimə meydançası daxilindən endirdiyi zərbəni Vəliyev zərərsizləşdirdi. Təzyiqin artması “Qarabağ”ın müdafiəçilərinin özlərini itirməsinə səbəb olmuşdu. Belədə arxa xətdə boşluqların yaranması təbii idi. Leo sol cinahın ağası idi. Ağdamlıların iki futbolçusu belə sambaçını zərərsizləşdirməkdə çətinlik çəkirdi.
Ebesilyonun “mərmi”si az fərqlə qapının üstündən keçdi. 70-ci dəqiqədə Mendi yaxın məsafədən qolkiper səddini aşa bilmədi. Kornerdən asma zamanı Qarayev topu qapı xəttindən çıxardısa, dönən topu Dodo dirəyə tuşladı. Leonardonun növbəti cinah keçidindən sonra qapıya paralel ötürməsini nə Mendi, nə də Afolabi “çərçivə”yə göndərə bildi. Bir qədər sonra sol cinahda topu qəbul edib mərkəzə meyillənən Ebesilyonun zərbəsi qapıçını keçmədi. Növbəti epizodda daha bir 100 faizli qol epizodu qaçırıldı. Bir neçə saniyə ərzində Mendi – Afolabi –Leonardo “3-lüy”ünün topa qeyri-dəqiq toxunuşları hesabın dəyişməsinə mane oldu. Oyun boyu bəxti gətirməyən “Qəbələ”nin son təhlükəli epizod Leonardonun adına yazıldı. Brazilyanın baş zərbəsi qapı dirəyinə tuş gəldi. Beləliklə, “Qəbələ” üstün oynadığı oyunda sayısız qol epizodlarına baxmayaraq, matçı məğlub bitirdi.
“Qəbələ”
25. Dieqo Kosta
2. Rail Məlikov (k)
4. Amit Quluzadə
5. Sadiq Quliyev
10. Luis Paulo Hilario
11. Yannik Kamanan
(19. Abdulvahid Afolabi, dəq.61)
14. Lorenzo Ebesilio
15. Umar Kalabane
18. İbrahima Niasse
(9. Viktor Mendi, dəq.38)
34. Ürfan Abbasov
(8. Nizami Hacıyev, dəq.72)
42. Leonardo da Silva
Ehtiyat oyunçular:
27. David Pietrzkeviç
3. Nikola Valentiç
21. Elmar Baxşıyev
84. Dejan Kelhar
Baş məşqçi: Yuri Syomin
“Qarabağ”
1. Fərhad Vəliyev (k)
2. Qara Qarayev
6. Hacı Əhmədov
7. Namiq Yusifov
10. Muarem Muarem
17. Vüqar Nadirov
(32. Ülvi Rəfizadə, dəq.90+5)
18. İlqar Qurbanov
33. Təmkin Xəlilzadə
(21. Tural İsgəndərov, dəq.65)
44. Eltun Yaqublu
(15. Toğrul Bilallı, dəq.67)
55. Bədavi Hüseynov
88. Ulrix Kapolonqo
Ehtiyat oyunçular:
89. Miro Varvodiç
3. Nurlan Əhmədov
Baş məşqçi: Qurban Qurbanov
OXŞAR XƏBƏRLƏR
