“Qəbələ” – “Neftçi” – 0:1
13 dekabr 2015. Saat 15:30. Qəbələ şəhər stadionu, 1000 tamaşaçı
Baş hakim: Rəhim Həsənov
Baş hakimin köməkçiləri: Rza Məmmədov, Akif Əmirəli
Dördüncü hakim: Zeynal Zeynalov
Əlavə köməkçi hakimlər: Əliyar Ağayev, Rəvan Həmzəzadə
AFFA nümayəndəsi: Maşallah Əhmədov
Hakim-inspektor: Rövşən Əhmədov
Sarı vərəqələr: Arif Daşdəmirov, 43 (qeyri-idman hərəkəti); Rəşad Sadiqov, 89 (qeyri-idman hərəkəti) // Ruslan Qurbanov, 37 (hakim qərarına etiraz); Filyo Jairo Rodriges, 45+2 (qeyri-idman hərəkəti); Məhəmməd Qurbanov, 69 (qeyri-idman hərəkəti); Aqil Məmmədov, 78 (hakim qərarına etiraz)
Qollar: Filyo Jairo Rodriges, 22
Artırılan vaxt: I hissədə 3 dəq.; II hissədə 4 dəq.
Bu gün Topaz Premyer Liqasında XVI turun son qarşılaşmaları keçirilir. Turnir cədvəlinin 2-ci pilləsində qərarlaşan “Qəbələ” öz meydanında “Neftçi” ilə qarşılaşıb. Bu, komandamızın 2015-ci ildə son ev oyunu olub. Mövsümün ilk yarısını iki səfər matçı ilə başa vuracaq “qırmızı-qaralar” azarkeşləri önünə 3 xal üçün çıxıb. Roman Qriqorçuk ötən turun “Xəzər Lənkəran”la qarşılaşması ilə müqayisədə start heyətində 3 dəyişiklik edib. Sergey Zenyov, Fakundo Pereyra və cəzalı Elvin Camalovun yoxluğunda Vojislav Stankoviç, Qismət Alıyevlə Derlis Meza Kolli “11-lik”də yer alıb. Birinci dövrədə rəqibini 1:0 hesabı ilə məğlub edən “qırmızı-qaralar” Premyer Liqadakı ev oyunlarındakı qələbəsizliyə son qoymaq iddiası ilə çıxıb.
Görüş qarşılıqlı hücumlarla başlayıb. Matçda ilk real qol vəziyyətini komandamız yaradıb. 14-cü dəqiqədə uzun ötürmədən sonra Antonovla Dodo qapıçı ilə üz-üzə qalıb. Topu saxlayıb, zərbə endirən Alekseyin toxunuşundan sonra top qapının üstündən keçib. 5 dəqiqə sonra “qırmızı-qaralar” hesabı açmaq üçün növbəti imkan qazanıb. Rəqib qapıçının səhvindən sonra Rəşad Sadiqov əlverişli mövqedə olan Dodoya ötürmə verib. Qapıçı ilə üz-üzə qalan kapitan topu yaxşı saxlaya bilmədiyindən imkanı qaçırıb. “Neftçi”nin 22-ci dəqiqədə sol cinahdan yerinə yetirdiyi cərimə zərbəsi qolla nəticələnib. Rəhman Hacıyevin cərimə meydanında hamıdan cəld tərpənən Jayronun baş zərbəsindən sonra dirəyə toxunan top qapı xəttini keçib. Qoldan dərhal sonra “Qəbələ”nin hücumu təhlükəli alınıb. Sağ cinahdan cərimə zərbəsindən sonra Derlis Meza Kolli iti bucaq altında qapını nişan alsa da, dəqiq olmayıb. Dodonun sağ cinahla irəliləyib, qapıya paralel ötürmə verdiyi epizodda isə topa toxunan olmayıb. Daha fəal oynayan “Qəbələ” fasiləyədək başqa qol vəziyyəti yaratmasa da, qonaqlar bir neçə təhlükəli əks-hücum təşkil edib.
İkinci hissəyə əvəzetmə ilə başlayan Qriqorçuk oyunda dönüş yaratmağa çalışıb. Rikardinyonun meydana daxil olmasından sonra “Qəbələ”nin hücumları artsa da, rəqib qapısı önündə təhlükə yaratmaqda çətinlik çəkib. Ukraynalı mütəxəssis hücumameylli Asif Məmmədovu da meydana buraxıb. 66-cı dəqiqədə Rikardinyonun hava ötürməsini Antonov başla tamamlasa da, top qapının üstündən keçib. Rəşad Sadiqovun fərqlənməyə yaxın olduğu epizodda isə Kamal Qurbanov onun zərbəsinin qarşısını alıb. Bərabərlik qolu üçün böyük qüvvə ilə hücuma keçən komandamızın heyətində Fakundo Pereyra da meydana daxil olub. 81-ci dəqiqədə Rikardinyonun 25 metrdən qüvvətli zərbəsi yaddaqalan olub. Qonaqların qapıçısı tirin altına ünvanlanan topu küncə çıxarıb. “Qırmızı-qaralar” hakimin final fitinə qədər rəqib qapısına hücumlar təşkil etsə də, hesab dəyişməyib. Düzdür, uzatma dəqiqələrində “Qəbələ” qola yaxın olub. Lakin sağ cinahdan cərimə meydanına daxil olub, irəliləyən Antonovun qapı önünə ötürməsini qapıçı dəf edib.
“Qəbələ”
1. Andrey Popoviç
3. Voislav Stankoviç
6. Rəşad Sadiqov
8. Məhəmməd Mirzəbəyov
10. Dodo (k)
19. Aleksey Qay
(32. Fakundo Pereyra, 79)
21. Arif Daşdəmirov
(11. Asif Məmmədov, 58)
25. Qismət Alıyev
44. Rafael Santos
69. Aleksey Antonov
88. Derlis Meza Kolli
(20. Rikardinyo, 46)
Ehtiyat oyunçular:
33. David Pietrzkeviç
15. Vitali Vernidub
18. Vadim Abdullayev
34. Ürfan Abbasov
Baş məşqçi: Roman Qriqorçuk
“Neftçi”
1. Aqil Məmmədov (k)
3. Filyo Jairo Rodriges
5. Xuan Alberto Melli
6. Aylton Silva
26. Kamal Qurbanov
11. Ruslan Qurbanov
15. Erik Ramos
17. Rəhman Hacıyev
(16. Əziz Quliyev, 89)
19. Fəhmin Muradbəyli
18. Kaue da Silva
14. Məhəmməd Qurbanov
(7. Araz Abdullayev, 77)
Ehtiyat oyunçular:
24. Miçal Peskoviç
4. Rahil Məmmədov
21. Samir Məsimov
20. Salas Quinta Antonio
95. Elvin Bədəlov
Baş məşqçi: Əsgər Abdullayev
