“Qəbələ” – “Keşlə” – 2:1
21 avqust 2021. Saat 18:00. Qəbələ şəhər stadionu, 400 tamaşaçı
Baş hakim: Rəşad Əhmədov
Baş hakimin köməkçiləri: Cavanşir Yusifov, Eyyub İbrahimov
Dördüncü hakim: Tural Qurbanov
Hakim-inspektor: Munis Abdullayev
AFFA nümayəndəsi: Eldəniz Musayev
Sarı vərəqələr: Stefan Vukçeviç, 64 (qeyri-idman hərəkəti); Məqsəd İsayev, 68 (qeyri-idman hərəkəti); Rüfət Əhmədov, 86 (qeyri-idman hərəkəti); Emil Səfərov, 90+2 (qeyri-idman hərəkəti); İsnik Alimi, 90+5 (qeyri-idman hərəkəti) // Azər Salahlı, 45+1 (qeyri-idman hərəkəti); Omar Qudiabi, 80 (qeyri-idman hərəkəti); Şəhriyar Əliyev, 90+5 (qeyri-idman hərəkəti)
Qırmızı vərəqə: Şəhriyar Əliyev, 90+5 (qeyri-etik ifadə və ya hərəkət)
Rəsmi şəxslərə göstərilən sarı vərəqələr (“Qəbələ”): Vüqar Məmmədov, 44 (hakimin qərarına etiraz); Rasim Ramaldanov, 86 (texniki zona qaydalarını pozduğuna görə)
Qollar: Yaovi Akakpo, 11; Rafael Utziq, 30 // Anatole Abanq, 77
Artırılan vaxt: I hissədə 2 dəq; II hissədə 5 dəq.
Azərbaycan Premyer Liqasında II tura start verilib. İlk oyun günü Qəbələ şəhər stadionunda başlayıb. Mövsümdə ilk ev matçına çıxan “Qəbələ” “Keşlə”ni qəbul edib. Baş məşqçi Elmar Baxşıyev ötən turla müqayisədə start heyətində bir dəyişikliyə ehtiyac duyub. Murad Musayev ilk “11-lik”də Ehtiram Şahverdiyevi əvəzləyib.
Oyuna paytaxt təmsilçisi daha fəal başlayıb. Rəqib həmlələrin qarşısını inamla alan “qırmızı-qaralar” əks-hücumlar qurub. “Qəbələ”nin sürətli hücumlarından biri qolla nəticələnib. Rüfət Əhmədovun sol cinahdan ötürməsini Yaovi Akakpo akrobatik tullanışla dəqiq tamamlayıb – 1:0. Buraxılan qoldan sonra bakılılar irəli atılıb. Komandamızın hücumları isə daha kəsərli alınıb. Məqsəd İsayevin zərbəsini rəqib qapıçı qaytarsa da, özünü yetirən Rafael Utziq fərqi iki topa çatdırıb. Az keçməmiş Məqsədin özü fərqlənməyə yaxın olub. Lakin Rövlan Muradovun sağ cinahdan ötürməsindən sonra İsayev topu boş qapının üstündən vurub. Qarşılıqlı hücumlarla davam edən ilk yarıda hesab dəyişməyib.
İkinci hissədə də oyunun axarı eyni olub. Qonaqlar məğlubiyyətdən qaçmaq üçün fəallıq nümayiş etdirib. Lakin “qırmızı-qaralar”ın sürətli hücumları daha yaddaqalan alınıb. Stefan Vukçeviç bu epizodların birində qola yaxın olsa da, imkanı qaçırıb. Rafael Utziq bir neçə dəfə əlverişli mövqeyə çıxıb. Lakin braziliyalı rəqib qapısına yol tapa bilməyib. Paytaxt təmsilçisi matçın sonlarında buraxılan toplardan birinin əvəzini çıxıb. Görüşün son dəqiqələri qarşılıqlı təhlükəli həmlələrlə əlamətdar olub. Amma komandalardan heç biri hesabı dəyişə bilməyib. Beləliklə, 2:1 hesabı ilə qalib gələn “Qəbələ” mövsümdə ilk qələbəsini rəsmiləşdirib.
“Qəbələ”
94. Nicat Mehbalıyev
19. Rövlan Muradov
(14. Ülvi İsgəndərov, 82)
28. Murad Musayev
27. Məqsəd İsayev
34. Urfan Abbasov (k)
17. Yaovi Akakpo
8. Stefan Vukçeviç
23. Rafael Utziq
5. İsnik Alimi
4. Ruan Renato
12. Rüfət Əhmədov
(77. Emil Səfərov, 87)
Ehtiyat oyunçular:
1. Kristof Atanqana
36. Elməddin Sultanov
7. Ehtiram Şahverdiyev
6. Kamal Mirzəyev
88. Gülağa Əsədov
18. Mehrac Baxşalı
20. Rauf Rüstəmli
Baş məşqçi: Elmar Baxşıyev
“Keşlə”
1. Stanislav Namaşko
3. Tərlan Quliyev (k)
19. Azər Salahlı
2. İlkin Qırtımov
7. Rəhman Hacıyev
(29. Amil Yunanov, 62)
4. Şəhriyar Əliyev
9. Anatole Abanq
77. Merab Qiqauri
72. Aldair Neto
(17. Omar Qudiabi, 46)
10. Felipe Santos
14. Turan Vəlizadə
Ehtiyat oyunçular:
85. Kamal Bayramov
27. Əkpər Vəliyev
18. Ruslan Əmircanov
20. Rail Məlikov
5. Kərim Diniyev
99. Rafael Məhərrəmli
21. Miyusko Boyoviç
22. Elçin Mustafayev
50. Samir Abdullayev
Baş məşqçi: Sənan Qurbanov
