QƏBƏLƏ FC

Azərbaycan kubokunun 1/8 final mərhələsinin oyun cədvəli açıqlanıb. Turnirə bu mərhələdən başlayacaq “Qəbələ”nin matçının vaxtı müəyyənləşib.

“Qırmızı-qaralar”ın “İmişli” ilə görüşü dekabrın 19-da baş tutacaq.  Komandamızın səfər qarşılaşması Qəbələ şəhər stadionunda keçiriləcək.

Matç saat 16:00-da başlayacaq. Qarşılaşma “CBC Sport” telekanalı vasitəsilə canlı yayımlanacaq.

Qeyd edək ki, “İmişli” – “Qəbələ” oyununun keçiriləcəyi stadionun müəyyənləşdirilməsi ilə bağlı Əsasnamə proseduruna uyğun olaraq PFL tərəfindən “İmişli” klubuna məlumat verilib və yekunda matçın Qəbələ şəhər stadionunda oynanılması qərara alınıb.

Azərbaycan kuboku

1/8 final

19 dekabr (çərşənbə axşamı)

16:00. "İmişli" - "Qəbələ"

Qəbələ şəhər stadionu