QƏBƏLƏ FC

19 avqust 2013. Saat 18:00. M.Hüseynzadə adına Sumqayıt şəhər stadionu. 6000 tamaşaçı

Baş hakim: Orxan Məmmədov

Baş hakimin köməkçiləri: Rza Məmmədov, Elşən Acalov

Dördüncü hakim: Tahir Əhmədov

AFFA nümayəndəsi: Telman Əzizov

Hakim-inspektor: Kərim Ağayev

Sarı vərəqələr: Nurlan Novruzov, 30 (9,15 m. məsafəsinə riayət etmədiyinə görə) // Volodimir Levin, 51 (hakimə etiraz); 61 (qeyri-idman hərəkəti); Leonardo da Silva, 64 (fitdən sonra topa zərbə); Rail Məlikov, 81 (qeyri-idman hərəkəti); Lorenzo Ebesilio, 87 (qeyri-idman hərəkəti); Nizami Hacıyev, 90+4 (qeyri-idman hərəkəti)

Qırmızı vərəqə: Volodimir Levin, 61

Qollar: Vüqar Əsgərov, 4; Ruslan Qurbanov, 62 (p.) // Yannik Kamanan, 12 

Artırılan vaxt: I hissədə - 1 dəq.; II hissədə - 4 dəq.

Topaz Premyer Liqasının III turunda "Qəbələ" səfərdə "Sumqayıt"la qarşılaşdı. İlk iki turda maksimum nəticə qazanan "qırmızı-qaralar" hesabat turunda da qələbə qazanmaq əzmində idilər. 

Matç qonaqların hücumları ilə start götürdü. Artıq 3-cü dəqiqədə "Qəbələ" hesabı açmaq şansı yaxaladı. Levinin baş zərbəsi effektiv alınsa da, qapı tirindən qayıtdı. Epizodun davamında "Sumqayıt" əks-hücümdan fərqləndi. Vüqar Əsgərov komandasını irəli çıxardı. Meydan sahiblərinin qol sevinci cəmi 8 dəqiqə çəkdi. Təzyiqi artıran "Qəbələ" hesabı bərabərləşdirdi. Leonardonun ötürməsini Kamanan effektiv zərbə ilə tora qovuşdurdu. "Qırmızı-qaralar" hissənin sonunadək bir neçə fərqlənmək imkanı yaxalasalar da, komandalar fasiləyə 1:1-lik bərabərliklə yollandılar. 

İkinci hissə də eyni ssenari üzrə - "Qəbələ"nin hücumları ilə başladı. Hissənin əvvəllərində Yuri Syominin yetirmələri Viktor Mendi, Yannik Kamanan və İbrahima Niassenin simasında fərqlənmək imkanı qazansa da, hesab dəyişmədi. Matçın həlledici anı isə 61-ci dəqiqəyə təsadüf etdi. "Qəbələ"nin kapitanı Volodimir Levinin cərimə meydançası hüdudlarında rəqib futbolçu ilə mübarizəsini hakim qayda pozuntusu kimi dəyərləndirdi və 11 metrlik nöqtəni göstərdi. Levin isə qırmızı vərəqə ilə cəzalandırıldı. Topa yaxınlaşan Ruslan Qurbanov penaltini dəqiq yerinə yetirdi. Matçın qalan dəqiqələrini azlıqda keçirən "Qəbələ" qarşılaşmanın qalan dəqiqələrini hücumda keçirsə də, rəqib qapısına yol tapa bilmədi.

Beləliklə, "Qəbələ" 2013-2014 mövsümündə ilk məğlubiyyətini aldı.

“Sumqayıt”

1. Anar Nəzirov

2. Slavik Alxasov

5. Kərim Diniyev 

8. Aqşin Muxtaroğlu

10. Ruslan Qurbanov

(4. Samir Abasov, dəq.79)

17. Adil İbrahimov

18. Aleksandr Çertoqanov (k)

21. Məhəmməd Mirzəbəyov

27. Nurlan Novruzov

(77. Mirzağa Hüseynpur, dəq.90+3)

86. Elşən Abdullayev

91. Vüqar Əsgərov

(11. Ruslan Nəsirli, dəq.87)

Ehtiyat oyunçular:

12. Elçin Sadıqov

20. Sabir Allahquliyev

22. Zaur Həşimov

92. Bəxtiyar Həsənalızadə

Baş məşqçi: Aqil Məmmədov

“Qəbələ”

27. David Pietrzkeviç

2. Rail Məlikov

4. Amit Quluzadə

6. Volodimir Levin (k)

9. Viktor Mendi 

10. Luis Paulo Hilario

(18. İbrahima Niasse, dəq.46)

11. Yannik Kamanan 

(19. Abdulvahid Afolabi, dəq.61)

14. Lorenzo Ebesilio

34. Ürfan Abbasov 

(8. Nizami Hacıyev, dəq.78)

42. Leonardo da Silva

84. Dejan Kelhar

Ehtiyat oyunçular:

25. Dieqo Kosta

5. Sadiq Quliyev

15. Umar Kalabane

22. Lurival Assis

Baş məşqçi: Yuri Syomin