“Qəbələ” İdman Klubu yeni tərəfdaşlıq müqaviləsinə imza atıb. Klubumuz “Kəhriz Su” ilə əməkdaşlığa başlayıb. Şirkət “qırmızı-qaralar”ın su tərəfdaşı olacaq. Razılaşma 2022/23 mövsümünün sonunadək nəzərdə tutulub. “Kəhriz Su” bu müddətdə komandalarımızı içməli su ilə təmin edəcək. “Qəbələ”nin əsas komandasının oyun formalarının qolunda şirkətin loqosu əks olunacaq. Qəbələ şəhər stadionunda “Kəhriz Su” reklam bannerləri yer alacaq.
"Kəhriz" brendi adı ilə içməli su ilk dəfə 2008-ci ildə istehsal olunub satışa çıxarılıb. Bu dövr ərzində şirkət inkişaf edərək böyümüş, bazarda öz sözünü demiş su istehsalçılarından birinə çevrilib. 2013-cü ildə ümumi sahəsi 4,02 hektar olan ərazi alınıb və 3200 kv/m sahəyə malik yeni su fabriki tikilib. Fabrikin istehsalat sahəsi müasir avadanlıqlarla təchiz olunub. 2014-cü ildə "Adasu" brendi altında 5, 10 və 19 litrlik məhsulun istehsalına başlanılıb. 2016-cı ildən "Veysəloğlu" şirkəti ilə bağlanmış müqavilə əsasında "Araz marketlər şəbəkəsi" və "Oba marketlər şəbəkəsi" üçün "Dalğa" və "Saf bulaq" brendi altında, tam çeşiddə suların istehsalına start verilib. Su, su təmizləmə sexində qum, kömür və mexaniki filtrlərdən keçirilərək saatda 10 ton istehsal gücü olan tərs osmos pli su təmizləmə qurğusunda daxil olur. Son ərəfədə, minerallaşdırılaraq paslanmayan poladdan hazırlanmış 30 tonluq çənlərdə su, ozonlaşdıqdan sonra, 1 mikron filtrdən və istehsal xətlərinə ötürüldükdə 6 lampalı ultrabənövşəyi şualanmadan keçirilir. Hal hazırda fabrikdə 3 tam avtomatlaşdırılmış su xətləri mövcuddur. Ümumilikdə isə fabrikdə 24 çeşiddə məhsul istehsal olunur.
