Topaz Premyer Liqasında XII turun təyinatları bəlli olub. Noyabrın 24-25-də keçiriləcək oyunların hakimləri, hakim-inspektor və AFFA nümayəndələri müəyyənləşib. Turun ilk günündə “Keşlə”nin qonağı olacaq “Qəbələ”nin matçını Rəvan Həmzəzadə idarə edəcək.
Noyabrın 24-də “ASK Arena”da keçiriləcək qarşılaşmada baş hakimin köməkçiləri Elşad Abdullayev və Cavanşir Yusifov olacaq. Dördüncü hakim funksiyasını Kamal Umudlu yerinə yetirəcək. Oyunun hakim-inspektoru Vüsal Əliyev, AFFA nümayəndəsi Seymur Səlimli olacaq.
Xatırladaq ki, “ASK Arena”dakı qarşılaşma saat 16:30-da başlayacaq.
Topaz Premyer Liqası
XII tur
24 noyabr (şənbə)
16:30. “Keşlə” – “Qəbələ”
Hakimlər: Rəvan Həmzəzadə, Elşad Abdullayev, Cavanşir Yusifov, Kamal Umudlu
Hakim-inspektor: Vüsal Əliyev
AFFA nümayəndəsi: Seymur Səlimli
“ASK Arena”
