Bu gün AFFA-nın inzibati binasında 2016-2017-ci il lisenziyalaşdırma mövsümündə UEFA-nın klub yarışlarında və Topaz Premyer Liqasında iştirak etmək üçün lisenziya əldə etmiş klubların nümayəndələri ilə görüş keçirilib. Lisenziyalaşdırma Qrupunun rəhbəri Elçin Məmmədov tərəfindən iştirakçılara lisenziyalaşdırma mövsümünün yekunları, statistik göstəricilər və növbəti mövsümün lisenziyalaşdırma prosesini əhatə edəcək bəzi yeniliklərlə bağlı məlumat verilib. Tədbirin sonunda iştirakçılara lisenziyalar və mövsüm ərzində lisenziyalaşdırma prosesində fəal iştirak edən klub nümayəndələrinə xatirə hədiyyələri təqdim olunub. Klubumuzun insan resursları və lisenziyalaşdırma üzrə meneceri Safura Mikayılova 2015-2016 mövsümündə lisenziyalaşdırma prosesi zamanı fəal iştirak və əzmkarlığa görə xüsusi diplomla təltif edilib.
