Kokauridən Rioya doğru daha bir addım
Xəbərlər / 14 Mart 2016 | 07:17188
"Qəbələ" İdman Klubunun və Azərbaycan cüdo yığmasının üzvü Uşangi Kokauri daha bir beynəlxalq turniri uğurla başa vurub. Mərakeşin Kasablanka şəhərində keçirilən lisenziya xarakterli turnirdə bütün rəqiblərinə qalib gələn Kokauri Rio-2016-ya bir addım da yaxınlaşıb. Ölkəmizi +100 kq çəki dərəcəsində təmsil edən idmançımız ilk qarşılaşmada Mərakeş təmsilçisi Mustafa Abdellaouiniyə qalib gələrək yarımfinala adlayıb. Yarımfinalda rusiyalı cüdoçu Stepan Sarkisyanı məğlub edən təmsilçimiz finala yüksəlib. Həlledici qarşılaşmada Fransa cüdoçusu Sedrik Medeufu üzərində qələbə qazanan Kokauri qızıl medala sahib olub. Yığmamız turniri 1 qızıl, 1 gümüş və 1 bürünc medalla yekunlaşdırıb.
OXŞAR XƏBƏRLƏR
