QƏBƏLƏ FC

Topaz Premyer Liqasının XXII turunun “Rəvan” – “Qəbələ” matçından (0:1) sonra “qırmızı-qaralar”ın baş məşqçisi Roman Qriqorçukun mətbuat konfransı keçirilib. Ukraynalı mütəxəssisin fikirlərini sizlərlə bölüşürük:
“Qələbə qazanmağımız vacib idi. Buna da nail olduq. İndiki vəziyyətdə xal itirə bilmərik. Oyunun ilk yarısında meydançaya uyğunlaşmaqla bağlı çətinlik yaşadıq. Fasilədən sonra oyunumuz daha yaxşı alındı. Layiqli qələbə qazandıq. Ardıcıl 3 matçda eyni hesabla qələbə qazansaq da, keçirdiyimiz oyunların nəticələrinə seriya kimi yanaşmıram. Qarşılaşmalardan sonra həmin matçdakı oyunumuzu təhlil edirik. Elə görüşlərimiz olub ki, “Rəvan”la matçdakından da yaxşı oynamışıq. Lakin 3 xal qazana bilməmişik”.