Lüksemburqda 2 qızıl medal
Xəbərlər / 28 Aprel 2015 | 18:49176
Lüksemburqda keçirilən açıq beynəlxalq karate turnirinə yekun vurulub. 20 ölkə təmsilçilərinin qatıldığı yarışda Azərbaycan milli komandası da uğurla çıxış edib. Yığmamızın heyətində ölkəmizi Bakıda keçiriləcək I Avropa Oyunlarında təmsil edəcək idmançılar tatami üzərinə çıxıblar. Komandamız turnirdə 5 qızıl, 1 gümüş və 1 bürünc medal əldə edib. Bunun nəticəsində yığmamız komanda hesabında 1-ci yeri tutub.
“Qəbələ” İdman Klubunun 2 üzvü də Lüksemburqda Azərbaycanı uğurla təmsil edib. Niyazi Əliyev (67 kq) və Rafael Ağayev (75 kq) öz çəki dərəcələrində bütün rəqiblərinə qalib gəlib, qızıl medallara yiyələniblər. Ağayev həm də turnirin “Ən yaxşı texnikaya görə” mükafatına da layiq görülüb.
OXŞAR XƏBƏRLƏR
